Қала сыртындағы серуен
Қаланың төңірегін велосипедпен аралап зерттеу үшін Хойанның жазық ландшафты мінсіз болады. Велосипедті күніне 1 долларға жалға алуға болады. Пальмалар, тып-тыныш жағажай барлары қоршаған, алтын құмды An Bang Beach жағажайы жап-жасыл күріш алқаптарының бойымен жүргенде қаладан 30 минуттық жерде орналасқан. Жағажайға бара жатқанда, төбесі шошақ ши қалпақ киген жергілікті фермерлердің көк-жасыл егіс далаларының бойымен азиялық буйволдарды жетектеп бара жатқандарын көресіздер.
Cam Kim аралына да велосипедпен жету оңай. Мұндағы жағдай мүлде басқаша. Осы тып-тыныш аралда сіздер ағаш ұсталарының Kim Bong деревнясына кездесесіздер, онда ағашқа ою-өрнек салатын ұсталар өздерінің шеберліктерін шыңдап, саудагерлердің үйлері мен Хойанның мәжіліс залдарын безендіріп, өздерінің ата-бабаларының ғасырлардан келе жатқан дәстүрлерін жалғастырады.
Қаладан тыныш қара жолмен шығысқа қарай жүргенде, көзешілердің Thanh Ha деревнясына тап боласыздар. Жергілікті шеберлер 500 жылдан астам уақыттан бері әсем нақышты тәрелкелер, тостағандар мен әшекейлер жасап келеді.