Көз тартарлық орындары
Әрине, тарихи және архитектуралық ескерткіштер Ташкенттің өзінде, айталық, Хиуадағыдай немесе ежелгі Бұхарадағыдай көп емес. Бірақ, соған қарамастан, қалада көруге тұратын жерлер бар. Мәселен, ескі қаладағы атақты Чорсу базарының жанындағы Кукельдаш медресесі бір кездері Ташкенттегі 23 медресенің ең ірісі болған. Оның құрылысы XVI ғасырмен белгіленеді. Сол заманда тұрғызылған Хаст Имам кешенінің құрамына Барақ Хан медресесі, Тилла-шейх мешіті және әулие Әбу-бәкір Каффаль Шаши кесенесі кіреді. Осы кешендегі арнайы құрылған мұражайда халиф Османның дүние жүзіне әйгілі Құранының түпнұсқасы сақтаулы. XV ғасырда жазылған осы көне манускрипт әр дәуірлерде Мединада, Дамаскіде және Бағдатта сақталған, содан кейін Темір басқарған заманда Өзбекстанға әкелінген.
Бір қызығы, осы ғимараттардың бәрі
1966 жылғы алапат жер сілкінісіне ұшыраған. «Ерлік» деп аталатын қаланың орталығындағы мүсіндік монумент нақ осы трагедияға арналған. Айтпақшы, ерте ме, кеш пе, сіздер қайткенде де баратын осы ескерткіштің жанында жанға жайлы көлеңкелі жағалау бар, ол серуендеу немесе кездесулер үшін мінсіз орын болып саналады.