Шопинг
Кәдесыйлар немесе одан да ірірек сыйлықтар ретінде Өзбекстаннан не әкелуге болады? Тоқыма, керамика, нақыш салынған, кестеленген заттар, кілемдер, пышақтар, кептірілген жемістер — талғамдарыңызға қарай таңдаңыздар. Қаланың орталығындағы дүкендер жас дизайншылардың әп-әдемі жұмыстарын ұсынулары мүмкін, бірақ солардың бағалары кейде шамадан тыс жоғары болады. Естеріңізде болсын, Шығыста саудаласа білу керек. Нақты сатып алушыны көрген қожайынның бағаны түсіруі әбден мүмкін, сонда сіз тартымды бағадағы эксклюзивтік бұйымның иесі болып шыға келесіз. Жоғарыда айтылған Чорсу базарынан өздеріңізге ұнайтын нәрсені табуларыңыз мүмкін, оның бағасына сүйсініп, қайран қаласыздар. Жаппай сатылымда сапасы төмен бұйымдардың жиі кездесетіндерін ескерулеріңіз керек, сондықтан таңдаудан қателеспеулеріңіз үшін, тәжірибелі жетекшіге сенім артқандарыңыз немесе достарыңыз ұсынған сенімді сатушыға барғандарыңыз дұрыс болады.
Ал ең бастысы: әбігершілік пен асығыстықты ұмытыңыздар — осы ұғымдар өзбек діліне жат, мұнда ештеңе де тұтқиылдан шешілмейді. Қаланың тұрғындары сияқты ізетті болыңыздар және жымиып қойыңыздар. Саудаласуды және қайта-қайта тексеруді ұмытпаңыздар, өйткені Шығыс
Қожа Насыр немесе Алдар Көсе сияқты айлакерлерсіз Шығыс болмас еді. Саяхаттан ләззат алыңыздар, сонда сіздердің бір рет болса да, осында міндетті түрде қайтып оралғыларыңыз келеді.