Portobello Road көшесіндегі базар
Біз баратын бірінші межелі орын — Лондонның батысындағы Portobello Road көшесінде, онда Central, District және
Circle желілеріндегі Notting Hill Gate метро стансасынан Hammersmith және City Line желілеріндегі Ladbroke Grove стансасына дейін созылып жатқан әлемдегі ең ірі антикварлық базар орналасқан. Жанжақтың бәрін алып жатқан осы базардағы 1000-нан астам шатырлардан көңілдеріңіз не қаласа, соларды табасыздар.
Сенбі күні базардағы сауда барынша қыза түседі, бірақ сіздердің сатып алушылар қаптап кеткенге дейін бірекі сауда мәмілесін жасап үлгерулеріңіз үшін ертерек барғандарыңыз жөн болады. Notting Hill Station метро стансасына жақын жерде Elgin Crescent және Chepstow Villas көшелерінің арасындағы аралыққа жүздеген киоскілер, дүкендер мен пассаждар салынған, олар шыныдан жасалған антикварлық бұйымдармен, күміс әшекейлермен, үй керек-жарақтарымен және кітаптармен сауда жасайды. Жұма күні де сауда қызу жүреді, антикварлық дүкендердің де сенбі күнгідей саны жұмыс істейді, бірақ келушілер азырақ болады.
Westway эстакадасының тұсындағы, Ladbroke Grove көшесінің жанында орналасқан базарда тауар да арзанырақ, туристер де азырақ болады. Сол арадан сіздер винтажды киім мен жас дизайншылардың жаңа бұйымдарын сататын фэшн-базарды табасыздар, кейбіреулер секонд-хенд деп аталатын пайдаланылған заттармен де сауда жасайды.