Brick Lane базары
Саяхатымызды шығысқа, Brick Lane базарына қарай жалғастырайық, ол бұрынғы Truman сыра зауытының аумағына жақын орналасқан. Мұнда тағы да төрт базар мен ресторан ауласы бар. Ретрокиімдер, мәселен, 1920-1990 жылдар арасындағы аң терілері мен қалыңдық көйлектерін ұсынатын Vintage Market жұмадан жексенбіге дейін ашық болады.
Backyard Market-тен болашағы зор жас дизайншылар жасаған сәндік-қолданбалы өнердің бүгінгі заманға барынша сай заттарын табасыздар. Егер сіздер коллекциялық ыдыс-аяқ, классикалық фотоаппарат немесе ар-деко стиліндегі шам іздесеңіздер, онда антиквариаттың қазынасы
— Tea Rooms базарына барыңыздар. Sunday Up базары киім-кешекпен және үйге арналған жаңаша бұйымдармен, сондай-ақ ескілікті винилдік дискілермен сауда жасайды.
Дүкен мен базар аралаудан шамалы демалғаннан кейін жүрек жалғап алу үшін Boiler House ресторан ауласына барыңыздар. Базарларда халық әсіресе демалыс күндері көп болады, олар сенбі күндері сағат 11.00-ден 18.00-ге дейін және жексенбі күндері сағат 10.00-ден кешкі 17.00-ге дейін жұмыс істейді. Ең жақын метро стансасы — Hammersmith және City Line тармақтарындағы Aldgate East стансасы.