Greenwich базары

Біздің ең соңғы аялдамамыз Bermondsey базарының шығысында, Темза өзенінің оңтүстік жағалауындағы Greenwich ауданында орналасқан, онда корольдік обсерватория, Ұлттық теңіз мұражайы және тамаша парк бар.

Сатылымдарды құр жібермейтіндер мен дәмді тамақ жеуді ұнататындардың басты межелі орны — Greenwich Market осында орналасқан. Greenwich ауданындағы базар XIV ғасырда пайда болған, ал бүгінгі төбесі жабық базар қаланың тарихи орталығында жайғасқан, онда XIX ғасырдың басындағы сәулет өнерінің ескерткіштері өте көп. Дүкендерді аралап жүргенде, жер шарының барлық бұрыштарынан келген керемет көше тамағының дәмін тату үшін аялдама жасаңыздар.

Базар күн сайын сағат

10.00-ден 17.30-ға дейін ашық. Антиквариат әуесқойлары мен коллекционерлердің базарға сейсенбі, бейсенбі және жұма күндері келгендері дұрыс болады — басқа күндері мұнда сәндікқолданбалы өнер заттарымен, өзгеше әшекейлермен және қол жұмысының киімдерімен сауда жасайды. Greenwich стансасына дейін DLR (Docklands Light Railway) арқылы жер үстімен жүретін пойызбен немесе орталық Лондоннан қайықпен жетуге болады.