Сайтахметов Хакимбек, студент
Осы сұлу да ыстық қаладағы демалыс — экскурсиялар, жағажайлар және шопинг. Кейінгісіне біз Дубай-моллға бардық, көлемінің үлкендігі соншалық — бір күннің ішінде аралап шығу мүмкін емес! Егер Бурдж-халифа көк тіреген ғимаратына барғыларыңыз келсе, естеріңізде болсын, билетті бірнеше күн бұрын сатып алу керек. Егер сіздер дәмді тамақтануды ұнататын болсаңыздар, онда Texas Roadhouse ресторанына барыңыздар: өз өмірімде мен ең үлкен, ең дәмді стейктің дәмін сол жерден таттым.
Сафариге билет сатып алыңыздар, ол расында да қызықты және көңілді. Арабтар сіздерді өздерінің ең үздік стилінде шағылдарды аралатады. Одан бөлек, сіздер баггилерге, квадроциклдер мен түйелерге мініп, серуендей аласыздар. Сафаридің соңында сіздерді кешкі тамақ пен шығыс стиліндегі қызықты ойынсауық шоуы күтеді. Тегін және біршама таза, адам онша көп болмайтын Jumeirah Beach жағажайында шомылуға және күнге күюге болады.
Міндетті түрде баратын орындардың тізіміне Әбу-даби қаласын қосыңыздар. Онда сіздер Ferrari Park пен өте әдемі және таңғажайып мешітті көресіздер. Егер сіздер қаланы көп аралауды ұйғарсаңыздар, онда машина жалдауға кеңес беремін. Ол сіздерді таксиге жұмсайтын артық шығындардан сақтайды және ыстықтан құтқарады.