Анастасия Цой, мектеп оқушысы
Мен саяхатқа құмар адамдардың отбасында өмірге келдім. Сондықтан тілім шықпастан бұрын саяхаттай бастадым. Осы жылы мен отбасыммен бірге Лондонға бардым және оны бірден ұнатып қалдым. Лондон — балалар үшін нағыз жұмақтың өзі. Әйтпесе, ойыншықтардың алты қабатты дүкенін басқа қай жерден табуға болады? Hamleys-те ғажайып тауарлар соншама көп! Дүкеннің әр қабатында дерлік бізді сиқыршылар қарсы алды. Мен жақсы көретін балмұздақ та бар екен. Анаммен бірге Лондондағы хайуанаттар паркіне барып, бір күнімізді сонда өткіздік. Ол өте үлкен екен. Хайуанаттар паркінен «Гарри Поттер және философиялық тас» фильміндегі питонмен болған оқиға түсірілген орынды көрдім. Сапардың алдында ғана мен сол фильмді көріп, кітабын аяғына дейін оқып шыққан едім. Ал King’s Cross стансасындағы «Гарри Поттер» дүкенінен маған өзім көптен армандап жүрген сиқырлы таяқшаны сатып алып берді. Сондай-ақ Лондонда парктер мен шомылуға болатын субұрқақтар өте көп. Бұл мен үшін сондай керемет жаз болды.