Гаухар Бегалиева, бет әрлеуші, бьюти-блогер
Бұл қалада менің махаббатымның тарихы басталды.
2004 жылы мен тіл үйренуге Италияға бардым, ал менің болашақ жұбайым рождестволық каникулға менің соңымнан келді. Кездесу орны – әрбір көшесінде, әрбір кірпішінде тарих тұнған Рим қаласы. Колизей — біздің заманымызға дейін сақталған ежелгі әлемнің орасан зор құрылыстарының бірі. Мұнда қайта оралу үшін бәрі Треви субұрқағына тиын тастайды. Жалға велосипед алып, Вилла Боргезе паркіне барып көріңіз. Бұл – ең көркем ландшафтық парк. Оның аумағында үш мұражай мен үлкен хайуанаттар бағы бар. Сарай кешендері, бақтары мен галереялары қатар түзеген Ватикан да көруге тұрарлық. Венеция алаңы – Римдегі таңдаулы шолу алаңдарының бірі. Ол аппақ, маңғаз, айбынды болып алыстан көзге түседі. Ақ мәрмәрдан жасалған биік отырғыштарда тынығып, балмұздақтан дәм татуға болады. Нақ осы жерде 31 желтоқсанда тура түнгі сағат 12-де менің болашақ жұбайым маған көңілін білдіріп, сөз айтты, әрине, мен келісімімді бердім. Біз онда міндетті түрде, әрі әлденеше рет қайтып оралатындығымызға сенемін.