Құрметті «Эйр Астана» жолаушысы!
17 шілде күні Орталық Лондонда орналасқан Langham қонақ үйі Skytrax World Airline Awards жыл сайынғы сыйлығының табысталуына әлемдегі ең үздік әуе компаниялары қызметкерлерінің жиналуы арқасында ең айшықты және космополиттік орынға айналды. 25-ке жуық әуе компаниялары «Эконом-кластағы ең үздік борттық тамақтанудан» бастап «Жыл әуе компаниясына» дейінгі әр түрлі 70 номинацияда марапаттарға ие болды. Skytrax компаниясы жыл сайын бүкіл саланың негізін құрайтын 455 әуе желісін зерделейді. Бүгінде бұл рейтинг әлемдегі барлық әуе компанияларына арналған сервистің алтын стандартына айналды. Мен «Эйр Астананың» 7 жыл бойы қатарынан «Орталық Азия мен Үндістандағы ең үздік әуе компаниясы» номинациясында жеңімпаз, яғни осы сыйлық үшін 38 бәсекелестің арасында көшбасшы болғандығына өте қуаныштымын. Біз – өз аймақтық лигасында 7 награданы жеңіп алған жеке-дара компаниямыз. Мен осыны жасай алған әріптестерімді мақтан тұтамын. Мен сіздерге, өзіміздің клиенттерімізге бізге берілгендіктеріңіз және қолдау көрсететіндіктеріңіз үшін алғысымды айтамын. «Эйр Астанаға» небәрі 16 жыл толды және ол осы уақыттың тең жартысында дерлік танымал аймақтық көшбасшы болып келеді. Бұл бізбен бірге ұшуды қалайтын адамдардың бейілділігін айғақтайды. Біз сіздердің сенімдеріңізді ақтау үшін қолдан келгеннің бәрін жасап, қызмет көрсету сапасын үнемі жақсарта түсетін боламыз.
Журналдың осы шығарылымының мұқабасында сіздердің назарларыңызды Түркияның кейбір аса танымал емес көрнекті орындарына аударғымыз келеді. Стамбул біздің алғашқы халықаралық бағыттарымыздың бірі болды.
Біздің әуе кемелеріміздің Түркия астанасына ұшу сапарларының жиілігі және «Turkish Airlines» компаниясымен бірлесіп Алматыдан, Астанадан және Атыраудан Антальяға орындалатын маусымдық рейстер бізді осы елдегі жетекші шетелдік әуе компанияларының бірі етеді.
Ұшу сапарларыңыз сәтті болсын!
Құрметпен,
Питер Фостер,
«Эйр Астана» әуе компаниясының президенті