Берекелі Бали
Балиге келушілердің саны өте көп. Мұнда 20 000-нан астам храм бар, олардың кейбіреулері туристерді қабылдайды. Аралдың әрбір тұрғынында дерлік өздерінің үй храмдары бар, үй храмдарынан басқа тағы да муниципалдық, ауылдық, кландық храмдар да бар. Ең қызықты индуистік храм — Тирта Эмпул қасиетті су көздері храмы. Мұнда денсаулыққа, бақытқа, табысқа қол жеткізгісі келетіндер, тілектерінің орындалуын көксейтіндер келуге ұмтылады. Ойдағы армантілектердің орындалуы үшін құдайларға сый-тарту сатып алуға болады. Шомылуға арналған саронг киіп (өзіңдікін киюге немесе осы жерден сатып алуға болады), хош иісті таяқшаны тұтату, оның түтінін үш рет ішке тартып жұтып, құдайлардан көксеген армандарыңды орындауын сұрау қажет. Содан соң дәрет алып, тазаланып, қасиетті су шапшып тұрған купельдерге өтіп, судың астына басыңды тосуға болады. Әр купельдің нендей мақсатта қолданылатындығын қызметшілерден сұрап білуге ерінбеңіздер: карманы тазалауға, күйзелістен арылуға, қоршаған әлеммен (туғантуыстармен, сүйікті адамдармен) үйлесім табуға, қарғыстан тазаруға, денедегі қуат орталықтарын ашуға арналған купельдер бар. Мұнда әрқашан адам көп болады, бірақ кезек айтарлықтай жылдам жылжиды. Тағы бір ерекше храм — ЮНЕСКО қорғауындағы Танах Лот — аралдағы тоғыз қасиетті храмның бірі. Тасты аралда орналасқан ол судың бетінде қалқып тұрғандай болады. Бүкіл әлемнен мыңдаған адамдар осы таңғажайып жерді көруге келеді. Бірақ келушілердің басты қуанышы жағаны ұрып өкіріп жатқан жалжал толқындардың туристерді бастан-аяқ суға малшындыруымен байланысты. Өкінішке орай, храмға кіре алмайсыздар, бірақ сыйтартуларыңызды әкеліп, оның түбінде отырып игілігін алуларыңызға болады.