Құрметті «Эйр Астана» жолаушысы!
Біз Алматы мен Астанадағы негізгі әуежайларымызда халықаралық транзитті ілгерілету және дамыту стратегиясын ұсынған 2010 жылы
10 мың транзиттік жолаушыны тасымалдадық.
2018 жылы олардың саны 780 мыңға дейін артты.
2019 жылы бұл сан 1 миллионнан асады деп күтеміз. Өткен 8 жылда бізге әуе компаниясының транзиттік сервисін дамытудың сәті түсіп, енді ол біздегі жалпы халықаралық жолаушылар ағынының үштен бірінен астам бөлігін құрайды. 2018 жылдың соңына қарай барлық бағыттардағы ұшу сапарларын Қазақстан арқылы жүзеге асыратын транзиттік жолаушылардың жалпы саны 50 мың адамнан асатын болуы керек және солардың көбі Қазақстанда кем дегенде бір рет түнейді. Осы жылдың соңына қарай «Эйр Астананың» тек бір ғана Stopover Holidays бағдарламасы бойынша Алматы мен Астананың қонақ үйлерінде брондалған түндер саны 25 мыңнан асады. Осы жаңа бизнестің тек «Эйр Астана» үшін ғана емес, сонымен қатар, жергілікті қонақ үйлер, әуежайлар, туристік агенттіктер, жер үсті көлігі компаниялары, бажсыз сауда дүкендері және басқа да сауда орындары, сондай-ақ ресторандар мен сауда ойын-сауық орталықтары үшін де мол пайда әкелетіндігін түсіну үшін керемет математик болудың қажеті жоқ. Транзиттік нарықты дамытуда біз транзиттік бизнес негізінде туристік индустриясы гүлденген 1980-ші жылдардағы Гонконг пен Сингапур үлгісіне жүгіндік. 1980-ші жылдардың басында, Австралиядағы Cathay Pacific әуе компаниясында тағлымдамадан өтуші менеджер болған кезімде біз Лондонға ұшатын адамдар үшін Hong Kong Shopover бағдарламасын ойлап таптық және бұл тамаша бизнесидея әлі күнге дейін қолданылады.
Бұл істе табысқа жетуімізге, Гонконг пен Сингапур жағдайындағыдай, бізге туристік визаларды рәсімдеу кезінде талаптарды ықшамдауымыз көмектесті. Бірнеше жыл бұрын Қазақстан үкіметі Экономикалық ынтымақтастық және даму ұйымы елдерінің азаматтары үшін ең ұзақ мерзім 30 күнге дейін визаларды алып тастады. Былтырғы жылы Қытай және Үндістан азаматтары үшін бір жыл сынақтамалық режимде 72 сағатқа дейін визасыз кіріп-шығуға рұқсат берілді. Сынақтамалық режим мерзімі жақында аяқталады және біз оның айқын артықшылығын барынша көп жолаушылар мен тасымалдаушылардың пайдалана алуы үшін оны мүмкіндігінше ұзарту туралы үкіметке өтініш білдірмекпіз. Қазір менің осы сөздерімді оқып отырған жолаушыларымызға айтарым: межелі жерлеріңізге немесе үйлеріңізге барар жолда Қазақстанда аялдайтын уақыттарыңыз болса, оны пайдалануға табанды түрде кеңес беремін – сіздерді осы елдің тамаша көрнекті орындары таң қалдырып, өзіне еліктіріп әкетеді!
Мен сіздерге және сіздердің отбасыларыңызға жылдың табысты аяқталуын және жаңа жылдық демалыстарыңызды тамаша өткізулеріңізді тілеймін.
Ізгі ниетпен,