Болашақ ұшақтары
Қазақстандықтар болашақта қандай әуе кемелерінде ұшатын болады және «Эйр Астананың» жаңа буындағы ұшақтары қандай функциялармен жабдықталады? Осы шолуда біз әуе паркіміз туралы әңгімелеп береміз.
2002 жылғы 15 мамырда «Эйр Астана» әуе компаниясы Астана мен Алматы арасында ұшу сапарларын жүзеге асыра бастады. Біздің алғашқы лайнеріміз Boeing 737NG ұшағы болды. Содан бері әуе паркі 33 ұшаққа дейін өсті, олардың арасында Boeing 767, Boeing 757, Airbus A320, Airbus A321, Airbus A320neo, Airbus A321neo және Embraer-190 бар. Әуе лайнерлерінің орташа жасы
— 8 жас, нақ осы фактор әуе компаниясының флотын әлемдегі ең жас флоттардың бірі етіп отыр. Ұшақтардың басым бөлігі тікелей өндіруші зауыттардан жеткізілген. Әрі флот ұшу қашықтығын арттыруға, отын шығынын азайтуға, демек, қаражатты үнемдеуге және атмосфераға зиянды лақтырындыларды едәуір азайтуға мүмкіндік беретін жаңа композиттік материалдар мен технологияларды қолдана отырып жобаланған ұшақтардың ең жаңа үлгілерімен жаңартылады.
Boeing 767-300 er
2012 жылы әуе компаниясы 2013 және 2014 жылдарда жеткізілетін Boeing 767-300ER үш әуе лайнерін сатып алуға келісім-шарт жасасты. Олар осы үлгінің операциялық лизингтегі алдыңғы әуе кемелерін алмастырды. Олардың сипаттамалары едәуір жақсарған. Әрбір әуе лайнері қуаттылығы 27 мың тоннадан астам тартатын Pratt & Whitney қозғалтқыштарымен жабдықталған. Boeing 767-300 ұшақтарының ұшу қашықтығы сағатына 900 км-ге жуық ұшу жылдамдығымен 10 550 км-ге жетуі мүмкін.
Әуе кемесінің бұл түрі 38 тонна пайдалы жүк тасымалдай алады, ал оның ұшып шығу кезіндегі салмағы 181 тоннаға дейін жете алады. Салон бизнес-кластың 30 жатын орнымен және эконом-кластың дербес ойынсауық жүйесі бар 193 орнымен жабдықталған. Boeing 767-300 алыс қашықтықтарға рейстерді орындайды.
Boeing 767 ұшақтары жеке экрандармен жабдықталған жайлы салонының арқасында жолаушылар арасында кеңінен танымал. Әуе лайнерінің бизнес-класы оп-оңай кереуетке айналатын отырғыштарының арқасында әуе компаниясындағы таңдаулы бизнес-класс салоны болып табылады.
Airbus A320neo
Әуе компаниясының тағы бір жаңа өнімі жақсартылған сипаттамаларының арқасында neo қосымшасы жалғанған жаңа буындағы Airbus A320neo ұшақтары болды. Шын мәнінде бұл аббревиатура New Engine Option, яғни «қозғалтқыштың жаңа нұсқасы» деп жіктеледі. Әуе лайнерлері Pratt & Whitney қозғалтқыштарымен және ерекше қанат ұштарымен жабдықталған, бұл алдыңғы үлгімен салыстырғанда отынның 15%-ға үнемделуін қамтамасыз етеді. А320neo өз класындағы ең шуылы аз лайнер болып табылады және сыйымды жолжүк сөрелері мен жаңа жарық-диодты жарықтандыру жүйесі бар жайлы салонға ие.
Airbus A320neo алғашқы әуе лайнері Орталық Азия мен ТМД-ДА өз класының бірінші өкілі болып, флотты 2016 жылы толықтырды. 2020 жылға қарай ұлттық әуе тасымалдаушысының флотындағы
Airbus A320neo саны 17 бірлікті құрады, олардың барлығы тікелей Airbus концернінен жеткізіледі.
Airbus A321neo
Airbus A321neo ұшақтары Airbus A320neo ұшақтарынан гөрі ұзағырақ қашықтықтардағы ұшу сапарларын орындайды. Сағатына
835 км крейсерлік жылдамдықта олар
6500 км ұшу қашықтықтарын қамтиды. A321neo әуе лайнері салонының екі класты құрылымындағы бизнес-класс сыйымдылығы 28 жолаушыны және эконом-класс сыйымдылығы 151 жолаушыны құрайды.
Ұшақ салоны жеке ойын-сауық жүйесі бар дербес мониторлармен жабдықталған. Әуе лайнерлері бас сүйегіштері бапталатын Recaro инновациялық креслоларымен жабдықталған.
Airbus A321neo Lr
Әуе компаниясы флотын жаңарту бағдарламасы Boeing 757-200 ұшақтарын кезең-кезеңмен Airbus A321neolr жаңа әуе лайнерлеріне ауыстыруды ұйғарады. LR аббревиатурасы ұшу сапары қашықтығының ұлғайтылуын білдіреді. Ұшақтың ұлғайтылған ең жоғары ұшып шығу салмағы 97 тоннаны құрайды және ұшу қашықтығын A321neo ұшағындағы 6850 км-мен салыстырғанда 7400 км-ге дейін арттыратын екі қосымша отын багы бар. Бұл әуе компаниясы үшін алыс магистральдық ұшу сапарларында жаңа мүмкіндіктерді ашады. Airbus A320neo, Airbus A321neo және Airbus A321neolr жаңа әуе лайнерлерімен «Эйр Астана» Орталық Азия мен ТМД-ДА осындай үлгідегі әуе лайнерлерінің ең ірі пайдаланушыларының бірі болады.
embraer 190-e2
2017 жылы «Эйр Астана» ұзақ мерзімді лизингке Embraer E190-E2 бес әуе лайнерін сатып алуға келісім-шарт жасасты. Ұшақтарды жеткізу биылғы күзде басталды. Embraer E190-E2 — осы үлгідегі екінші буын ұшақтары. Оларда фюзеляж конструкциясы өзгертілген, аэродинамикасы жақсартылған және қанаттарының дизайны жаңартылған.
«Сатып алынған Е2 ұшақтары Қазақстанда 2011 жылдан бастап ұшу сапарларын табысты орындап келе жатқан біздің Е190 ұшақтарымызды алмастырады. Нақ осы Embraer Е190 біз үшін Ресейдің оңтүстігіне, Кавказға, Орталық Азияға, сондай-ақ бірқатар ішкі бағыттарға ұшу сапарларын жүзеге асыру мүмкіндігін ашты. Ішкі және халықаралық бағыттарда бәсекенің артуына байланысты біз Е2 ұшақтарының әрбір жолаушы орнына 15%-дық үнемдеуді қамтамасыз ететіндігін күтеміз, бұл бізге тасымалдау сыйымдылығы мен нарықтағы қатысу үлесімізді арттыруға және әуе тасымалдары бойынша аймақтық көшбасшы мәртебесін нығайтуымызға мүмкіндік береді», – деді «Эйр Астана» әуе компаниясының президенті Питер Фостер.