Kapanahakan sada id pogun diti koula poh pomogonop kopokionuon JPAM mokiikot duvo lizong puu toun dumonto
KOTA KINABALU: Kapanahakan sada id pogun diti kakaal kosukup montok momogonop do kopokionuon sundung pia ontok timpu ‘Monsun Barat Daya’ baino.
Potunud Koupisan Ponginsadaan Pogun Sabah Dr Ahemad Sade minoboros do ontok timpu diti, ‘stok’ om asil kapamagakaman kakaal kaanu momogonop kopokionuon mantad momomoli ngawi.
“Au minog tumongob o tulun togumu kokomoi ‘stok’ sada ontok timpu ‘monsun’ diti sabap tokou id Sabah haro tolu bogian pamagakaman sada ino nopo nga id ponong Pantai Barat, Pantai Barat Utara om Pantai Timur.
“Miampai kabaalan, toilalaan monginsada om kopoilaan mantad Koupisan Meteorologi Malaysia, kaanu tokou mongintong kooyuon tawan om umbak daat,” ka disio.
Pinosorou nogi disio o monginsada ngawi ih mindahu doid daat montok rumijisto miampai Esscom montok tujuan koumoligan om kopongintangan lumabus sumuang bot id kawaigan Malaysia. TAWAU: Huguan Potunud Koupisan Gugumaga Tuhun Ginumuan Malaysia ( JPAM) Datuk Ogu Salim Omar minoboos do boogizan dosido baino diti masaon minggisom momo’uang kogumuo kopuuvan montok momodimpot pokiikotan duvo lizong puu ontok toun tabantahan.
Minoboos isido do pomo’uangan kogumuo puu dino nopo nga katanud miampai pomungaanan mahik JPAM di ointutunan sabaagi ‘Angkatan Pertahanan Awam Malaysia’ ( APM) tumimpuun 1 September diti.
“Gisom baino diti tokou kivaa hobi solizong puu. Kikahansanan tokou kopongohonan ngaan JPAM kumaa APM kaanu papavakas sunduvan puu montok hobi minggisom papanau kotoinaan kumaa tuhun ngavi montok papatantu iho hobi kivaza,” ka disido doid monunuat abal kahapas ‘Majlis Penganugerahan Pingat Kedaulatan Negara (PKN) om ‘Pemakaian Pangkat Pegawai Tidak Bertauliah’ 2016 doiti koniab.
Id timpu iso’i, minoboos zi Ogu Salim do masaon nogi boogizan disido minggisom popoinggumu ‘ Pasukan Tindak Balas Kecemasan Komuniti’ (CERT) hoohobi id boogizan ih kikobohingkaangan id pointongkop pogun.
“Tinimungan kaagaban dino adaadi dati puu tokou ih kumoiso monuhung nung antakan onu noopo kaantakan id boogizan sanda-daau poguhui koikotan tinimungan mongumohig mantad agensi ih susuvai.
“Puu CERT nopihi id piahatan mogiigizon kaamung mohoingon ngavi kampung om izioho udahon montok papanau kapaagatan mongumohig montok monguang do kobohingkaangan atagakan niawa om halata kakamot,” kavagu disido.
Minoboos isido ontok timpu diti, soginumu 860 tinimungan CERT notuidong no kaamung id Kelantan, Terengganu om Pahang miampai toinsanan potunud id pointongkop pogun nosuu no papavakas kalaja montok monuidong do tinimungan dino.
Minongomi kokomoi abaabazan dino, minoboos zi Ogu Salim do iho nopo nga tanda koponumbazaan kinangazan tavasi kalaja doid puu dino nokomoi, suvai ko manaak do pongunsuban doid puu ih susuvai.
“Iho nopo nga iso kopotumbazaan om pamagatangan poimbida doid ‘wirawira’ tokou ih pakalaja ontok ‘ Op Daulat’ id Lahad Datu. Totootopot nopo pinonguhubukan om sunduvan puu ngavi JPAM id kinantakan kizaa id Tanduo dino ginatang kozo,” ka disido.
Id abaabazan dino, soginumu 50 puu nokotoimo PKN om soginumu 84 tuhun puu suvai-suvai pangkat nazatan pogun Sabah nokotoimo kinoinsavatan pangkat om Sijil Pomohoogoan Gugumaga tuhun Ginumuan. -Bernama