Apasi boros apasi tinaru Nulud di Tatak Baramban
Olumis o kopomogunaan do boros tokou nung gunoon tokou id pibarasan di otopot om kiguno miampai otulid o paantakan id ginawo om nung au tokou gunoon do pokoruol ginawo tulun. Gunoo tokou boros tinaru sondiri do mogiboboros i osonong paantakan. Boros tosonong kapanaak koinsasamadan om kaarapadan kumaa tambalut. Sumusuut diti pinibasaran di Patricia om i Johnny (tulun sangaran au otootopot nga sinuou noopo do popootus diti pinibarasan om nung nakasangai ngaran nu, siou tu au tinomod). Kopisanangan do mambasa.
Patricia: Otopot manaku do basug o tulun tokou?
Johnny: Au. Au basug tulun tokou. Patricia: Nunu di? Johnny: tulun tokou mogigiyon id labus kakadaian.
Patricia: Nunu araat nung poingiyon o tokou id labus kakadayan?
Johnny: Aiso i au osonong nga tulun tokou pinungaranan tulun mororobuat om poingiyon id tanga dumo.
Patricia: Nunu i au osonong montok tulun mororobuat? Johnny: Tulun mosikin. Patricia: Nunu komoyon do mosikin?
Johnny: Okudi tusin om toilalaan id tutok
Patricia: Kaakun oku okudi tusin nga au oku kaakun okudi toilalaan tutok.
Johnny: Atalang ilo do nabayaan kumaa tulun tokou.
Patricia: Komoyon nu do okudi toilalaan tutok tulun tokou?
Johnny: au oku awi-awi koilo nga tulun suwai mintong tulun tokou miagal di
Patricia: Au otopot tu kiharo tulun tokou nokosikul id Harvard University Johnny: Songulun noh, au ogumu
Patricia: Sorou po haro iso ko aiso. Songulun ula no pongintutunan do okon ko basug tulun tokou.
Johnny: Tinaru tokou au milo gumayo id amung dilo tinaru tangagayo
Patricia: Somonu gumumu tulun tokou om wookon sumiliu tulun apantang
Johnny: Tulun tokou mositi do atama om obulun poimpasi id pialatan ngawi do tulun suai Patricia: Atama om obulun i tulun o tokou nga au po norikot timpu popokito yolo di.
Johnny: Di timpu- timpu nakatalib, nunu o winonsoi tulun tokou i pinopokito atama om obulun?
Patricia: Nokotimpak tulun tokou dilo Nulu Nabalu om nokowonsoi
saxophone mantad poring ih kumoiso id pomogunan.
Johnny: Au po ogumu nowonsoi tulun tokou. Tinaru suai manansanganu hotel om
kadai pongindopuan tagayo id longkod kakadayan.
Patricia: Kada parantaio tulun tokou kinalantayan naanu dilo tinaru tangagayo. Au noworun o Longkod Rum do sangadau no. Okon ko sangadau no ondomon tokou pagandadan mintong do koburu om kalantoi tulun tokou. Pointantu momoguno timpu.
Johnny: Ba otopot no ino boroson nu nga apatai oku po.
Patricia: Iri no paantakan do manansawo.
Johnny: Aiso tondu arahi doho.
Patricia: Poingkuro ko do koilo?
Johnny: Haro songulun tondu tolundus korohian ku nga au isio mintong doho soira do mintong oku dau. Iri no kointutunan ku do au isio guminawo doho doulu po om asaga mokiongoi doho.
Particia: Hehehe osianan oku dika. Ika no kusai guntalou. Nokuro tu au nu umbalan mongudiyo ino tondu nung muhang dika?
Johnny: Aiso guno tu oilaan ku do au isio muhang doho.
Patricia: Au nu po oilaan gisom do oumbalan nu. Uhupan ku ika poboros dau dino topurimanan nu.
Johnny: Pounsikou togumu. Wanadan ko noh daa do Kinorohingan.
Patricia: Miagal nopo.