KPN pinoposoou monginsada tu au mangasou sumuvang kavaigan pogun suvai
PAPAR: Pinosoou di Huguan Pulis Pogun Tan Sri Khalid Abu Bakar o monginsada pogun diti mooi tumanud do undang- undang miampai au mangasou sumuvang kavaigan pogun suvai.
Nga, tumanud disido kakaal kivaa monginsada di au momoduhi do kootulan dino om oimangan do kaantakan di au au avasi.
Noboos disido ahal dino ontok pinokianu minongomi kinantakan iso kapal monginsada nokolijisto id Sandakan ih nokito d id kavaigan Filipina di tadau Kaapat nakatahib miampai tohu ‘ kru’ kapal pinoluput do natagak om nasib dioho au po noihaan.
Kokomoi naku do tohu ‘kru’ kapal layat Indonesia dino sinazangan, Khalid ih sinoomo do monunuat abal id abaabazan kapanaakan kuasa id Hongkod Upis Briged Sabah Pasukan Gerakan Am (PGA) id Kinarut, doos doiti, minoboos do kakaal po boogizan dau magandad kopoihaan mantad tinimungan koumohigan Filipina.
“Onu ih posunudon dagai nopo nga izioho ( tinimungan koumohigan Filipina) nokokito bot ih aiso suang dino id kavaigan Taganak. Suvai ko iho, aiso nunuunu balang idsuang bot dino nagamu toi natagak. Tohu munggui ih kikotumbazaan kivaa idsuang bot dino nogi au kaanu tumuubung gisom baino,” ka disido.
Minoboos isido do tumihombus pulis popoingkavas do kapadtamangan koumohigan montok poposusa do boogizan sangod maganu kosivatan monoodo koimaan talaat maza pivohitan hoohobi id tisan daat kohisa’on Sabah.
Id ahal dino, noboos zi Khalid do himo puu pulis ih nokoompit id pinisangodan om minangaha tinimungan talaat di ontok 8 Disember toun nakatahib pinoinsavat pangkat miampai ‘medan’.
“Pinapanau izioho do tonggungan dioho miampai au momoduhi do koumohigan tinan sondii montok mintamong koumohigan tuhun ngavi om layat id boogizan tisan daat kohisa’on Sabah,” ka disido.
Id kinantakan 9.51 dongotuvong dino, tohu mananazang binadi noduso, duvo vagu manazang tinaan om duvo vagu natagak id kinantakan mihusi pamadizan miampai puu PGA. - Bernama