Duvo susumikul SK Pantai nakaanu duvo midol amas humozog
Tohu susumikul SK Pantai nakaanu duvo midol amas, duvo piok om duvo tamabaga id piboian Akuatik MSS Tanah Pisompuuvan Labuan ko16 id Kulam Humozog Sikul Sompomogunan Labuan (LIS) ontok Feb 9-12.
Abaabazan pinanaakan vava nopo nga tinoinan dii puu palimin Labuan, Datuk Rozman Isli.
Huguan tagazo SK Pantai, Mahani Hussein minoboos tohu susumikul nakahantoi pinopoinsavat ngaan do sikul dii doid pototongkop pogun maza dii Nur Atiqatul Aaliyah Abdul Kahar i nakaanu duvo midol amas i piboian tumudok kisinavat somitol om tohu mitol.
Nur Azimatul Aaliyah nakaanu iso midol piok id abaabazan tumudok somitol om duvo tambaga.
Om zi Awangku Hanif nakaanu iso midol piok id abaabazan 100 mitol.
Naamot, paganakan dii Abdul Kahar Abdul Rahim mantad Perak om Dalilah Desa mantad kedah noonuan Gaa Poimbida Paganakan Topulokis mAntad dii Datuk Rozman Isli.
“Tanak ngaavi dii Abdul Kahar poinsikul doid SK Pantai. Kiginumu izioho do onom tuhun. Kounsikaan kumaa Abdul Kahar om paganakan i nakahantoi minongia tanak dioho gisom nakahantoi om kavasa dodizon poombitanan montok toinsanan susumikul/ pakakalaja id SK Pantai,” ka disido.
Nokotindapou nogi i Aawang Zain Awang Anak, mantadd Upis Balajalan Labuan, huguan LIS Zainab Batin, hugaun sikul SK Pekan Dua, Awgku Chuchu Pg Md Yassin om ponikoon Teknik Akuatik, Rahman Jaafar.