130 komponi mampazat SCF 2017
KOTA KINABALU: Komiti mangazu Ponguntilikan Sabah 2017 minonoodo kotombuhuzan kohulumatan kumaa dii Mayor Datuk Yee Boon Hai,ontok Tadau Koduvo, February 22.
Tinimungan SCF 2017 nopo dii nga binuuan dii Gerald Goh om ontok ponoogi do kinotombuzan dii do komiti minagahap dii Yee do tumindapou pogukaban kalamazan ontok February 24 doid Sabah Trade Centre, id Likas, doiti.
Goh ponoogi monunuat tagazo do Koisaan Mononoodo Sabah(SBA)
minoboos SCF 2017 nopo nga nuhuvan ‘Innovation, Technology and Transformation i kaanjul mantad February 24-26 om pisosoomo potimpuunon dii Montili Science, Technology om Innovation Malaysia Datuk Seri Wilfred Tangau.
Yeo kahapas minonoimo do tatap minangazou do SBA montok pogozuvan do abaabazan naait.
SCF 2017 nopo nga sinakadai nogi do Komontilian Kalaja, Komontilian Kotundaan Infrastruktur Sabah, Kotinanan Kotundaan Pomounan Mononoodo (CIDB) om suvai ajinsi kopolintaan om nogi institusi professional.
Kivao 130 popopokito id SCF 2017 popokito do asil takavas tiknoloji om kotoinaan id kaganaan do ponodaan.
Popopokito nopo ngaavi dino nga mantad China, Singapore, Brunei, France, India, Austria, Germany, Korea, Japan, Kotonobon Malaysia, Sabah om nogi upis kopolintaan om institusi.
Vookon do komponi i nointutunan mampazat id SCF 2017 nopo nga: Mosti, CIDB, Standard Malaysia, Sirim, MyIPO, Vinci Construction Grand Projects, Doka Formwork, Pan Borneo Highway Project Delivery partner, China State Construction, Lybase, Gamuda, Sunway, Sinohydro Corporation, 3DTech, MCC Overseas, Smartpool, Adforsb Saint Gobain, 3Dtech, MCC Overseas, Smartpool, Adforsb Saint Gobain, Korea Milen Bio, CNBM International Engineering.