Manahak sakadai popolumaag kagu koupusan: Sapawi
SIPITANG: Koubasanan manahak sakadai okon ko monulung noopo katapi popolumaag kagu koupusan id pialatan tulun ngawi Silam.
Puru Parlimen Sipitang Datuk Sapawi Ahmad minoboros do kopongubasanan dilo nogi okon montok wulan Ramadan noopo katapi nogi ontok wulan di susuai.
“Nga ih popisuai montok tulun ngawi Silam, koubasanan manahak sakadai ontok Ramadan asil dilo lobi osonong piagalon ontok wulan ih susuai,” ka disio.
Noboros disio ahal dilo id abaabayan ‘Ihya Ramadan’ songowian Tinan Kotundaan Pomulaminan om Kakadaian (LPPB) om Umno Sipitang id Masjid Bandar Sahabat Sindumin, koniab.
Nokotindapou nogi id abaabayan dilo kaamung noh Ponorikohon LPPB ih nogi Monijor Tagayo LPPB Geaorge Liew, Momuruan Kotundaan Mogigion Sindumin Abdul Rahman Mohd Noh om Boyoon Komulakan Sipitang Hafez Yamani Musa.
Noboros di Sapawi do koupusan tulun ngawi Silam di agaras om ogirot dilo noh ih kaanu magangat tulun ngawi Silam montok mogitutulung om misompuru montok tumoguang do ponokialitan om kotoguang miampai sangod Silam.
Tumanud disio do sangod Silam momoguno do mogisusuai ralan kaamung noh ‘media sosial’ montok popoimbulai do pioduhan.
“Alhamdulillah, koulalahon kopongupusan tulun ngawi Silam otopot do kabalan om kakabalan diti noh ih ponogi iso mantad laang tokou montok au oimbayatan om maganu laang di au apatut.
“Suai ko ilo, kapandaian nuludan kopomuruanan nogi otopot do koponulung om ilo nogi kaanu monipu do nunu noopo ponginaman sangod Silam,” ka disio.
Pinosunud di Sapawi do koubasanan manahak sakadai montok tulun ngawi Silam nopo nga koubasanan mogitutulung.
“Iti noh pialatan guno do nokuro Silam mongunsub do tulun ngawi dau montok minsingubas do manahak sakadai... koubasanan diti otopot nopo popoinsomok do tulun ngawi Silam pialatan iso om suai,” ka disio.