Perkeso minanahak cek baraian asil natagak winakas RM120,708.42 kuminaa bagas ‘juruteknik’
KENINGAU: Koisaan Koumoligan Sosial (Perkeso) hiti pinapatahak do cek baraian asil natagak winakas kiginumu RM120,708.42 kuminaa bagas juruteknik, Abdul Rahim Abdul Karim ih nakakandai nosindualan tomod id bogian tulang tipus ontok pinapanau karaja pamasangan wayar id Rawang, Selangor, di kotimpuunon toun diti.
Monijor Perkeso Keningau Rijal Jamaluddin minoboros do cek baraian tunui dilo pinatahak di Upisor Watas Nabawan Fredian Gan kuminaa tapa munggui Abdul Karim Indi om Linopot Antain id Kampung Sarikan Nabawan, doros hiti, kosodop.
Minoboros ih Rijal do asil dilo nopo nga tonggungan Perkeso kumaa papaapu om alansan do baraian dilo kaanu papagaan do tonggungan di Abdul Rahim, 23, om molohing dau.
Ka disio suai mantad kapanahakan cek, minanahak nogi Perkeso Keningau do koumatan monulung tinan kumaa Abdul Rahim sabap do kapapanaan dau baino diti lumansan poimponu doid ponulungan di goduo-duo molohing dau.
Naamt dilo, maamgatang om monongkotoluod kopio ih Abdul Karim sabap kikosianan Perkeso minanahak pampasan kumaa tanak dau ih baino diti kaanu modop id sakai katil noopo.
“Tinorimo do Kinorohingan o sambayang dagai misaasawo tuh haro tinan minonulung papagaan do kawagatan,” ka disio.
Poompus 2016, Perkeso Keningau nokopongobi do kiikira RM874,518.91 montok minambarai 287 kes mogisusuai tuntutan asil tunui pakaraja id watas diti. -Bernama