MINSINGILO BOROS KADAZANDUSUN APASI BOROS, APASI TINARU

iso ralan tosonong kopio do manampasi boros tinaru. Boros Kadazandusun (BKD) milo gunoon do tulun Kadazandusun (KD) do mogiboros id pitimungan tagayo om tokodo miagal ko pitimungan do Tinan JKKK, id kapanaakan do pason, id kopolombusan do pibatasan piangayan, id koponguludan om kopolombusan do boboroson id walai panambayangan, id kopodsindingan om do sumambayang rumayou Kinorohingan.

Lolobi po daa do apatut om moboros komolohingan kumaa tanak id walai sondiri. Timpu baino, tikid walai om paganakan do tulun KD moboros boros tulun Malaya (BM) noopo id walai om id walai panambayangan id labus kakadayan i noinsanan tulun KD do tumimung.

Nokuro ma tulun KD tu miagal di iri no tu arahi mangada boros tina? Sumusuhut diti nopo nga pinibarasan di Dina om i Roger (ngaran tulun, kinaantakan, timpu, uhu naangayan om kinaantakan id pinibarasan au otootopot nga sinupu do panaandak noopo diti pinibarasan moi do atampasi nodi daa BKD.

Nung nakasangai ngaran nu om haro kopiandatan dilo uhu pibarasan, kinoyonon om kinaantakan, siou tu au tinomod om kada kokuukuaai kio). Kasanangan do miboros id boros tinaru nopo nga topurimanan, pomuandaman, kororohian om karalanralano pomusarahan soira moboros kolombus mantad do kabang om dila do tinaru sondiri i au minog do orotian dilo tinaru suai. Kopisanangan do mambasa.

Dina: Tulun KD mositi do awakas tutok om longon. Roger: Au oku kosuhut nunu komoyon nu. Dina: Kada do ming-au-koilo. Roger: Awakas bo tutok om tinan tulun KD. Haro songulun tulun tokou nokosikul id Harvard University id pogun America. Sikulan dino apagon do sumuang nga nokosuang i isio. Linundus tinan om turos sumandak KD nogi nga karantai do linundus do sumandak Korea. Dina: Otopot i ino boroson nu nga okon ko iri daa o komoyon ku. Roger: Nunu po komoyon do kawakason tinan om tutok tulun KD? Dina: I tumimpuun mantad do asanang kumaa do apagon. Roger: Onuai oku gia do poomitanan. Dina: Id gana koponuratan, okuudi tulun KD arahi monurat kumaa Do mongungulud surat naangayan pogun om doulu po om momongo do iso buuk? Roger: Agangau tulun tokou do pogkuamaan id upis, id topurimanan pulitik om id dumo. Dina: Okikip o pomusarahan nu. Tinaru tangagayo koirak kokito koulalaho tulun tokou miagal diti. Roger: Nunu toi koluhaian tulun tokou gisom do irakan tokou dilo tinaru tangagayo? Dina: Tulun tokou oruhai do otumbayaan pomusarahan om obosugan. Roger: Nunu po suai? Dina: Basug om pakadaada miagal do buhangkut mamaso id pitimbungakan. Roger: Au oku kaakun dika. Yoku nokoumbal oku binosugan do songulun nga kinotol ku i tulun gisom do oruhai no daa do noduso ku isio nga minokiampun isio doho. Dina: Kasala ko ma tagayo nung kopomoduso ko do tulun. Okon ko iri ralan otootopot do sumuli tokou tulun taraat. Roger: Iri no komoyon ku do okon ko tulun oku basug. Okito oku disio agayo tinan om okoodo isio, apatut orosian isio dogo. Dina: Okon ko kagarasan tinan oh pagandasan toi ko pisaapan tulun timpu baino diti nga kawakason om rinalom do toilalaan tutok. Roger: Poingkuro do papagaras toilalaan do tutok tokou? Dina: Kogumuon no do mambasa buuk English tu boros do sompomogunan. Pinggisamai no do minsingilo boros sompomogunan dino. Roger: Nga songkuro daa sinonong nung koduo-duo do awakas tinan om tutok tulun tokou? Dina: Otopot. Nga kagarasan do tinan mositi intangan om nunu o paantakan tokou do papagaras do tinan. Roger: Pointantu no do kiguno do agayo tinan ko mantad po do au agayo tinan. Dina: Toilalaan nu dino nopo nga roitan do ‘human cloning’, ka. Roger: Iri no. Poingkuro di papagayo tinan tulun tokou? Dina: Mawiawi no timpu ku. Miboros kito kawagu suai timpu. Roger: Ba. Pounsikou. Hino ko no. Dina: Miagal nopo. Hiti ko po.