Koguhi vagu tikoon Likas kumaa BN — Seruji

KOTA KINABALU: Umno om Barisan Nasional (BN) otumbazaan do kaanu mahik do tikoon hamin panadaan undangundang Likas in pomihian tagazo ko-14.

Kumoduvo huguan Umno Kota Kinabalu Datuk Seruji Nawawi otumbazaan dino kahapas nokokito kalaja tavagat om komi mantad mongungundi id Likas.

Seruji ponoogi potunud Hongkod Tampat Pongundian DUN Likas minoboos, timbang polosidin Parti Warisan Sabah (Warisan),Junz Wong, i nakamang haid do kulusi doid tikit DAP, nga okon ko sakadai tavakas katapi koimouan do paati.

“Dadi, songian isido (Junz Wong) tuminindak manatd DAP kuminaa Warisan, mongungundi nokopiuman noduung om iti atahang popokito do mimang isido maganu kalaja montok koumbosian sondii.

“Ahansan zou do tuhun om mongungundi id Likas au nodii oduung id pomihian tagazo mikot,” ka disido songian kotuubungai id hamin poingivang Aidilfitri disido, doiti ontok tadau Koiso.

Ginumu nopo do mongungundi Palimin Kota Kinabalu gisom id December 31, 2016 nga tikoon Likas 15,008, Api-Api 14,451 om Luyang 23,992.

Nokotindapou nogi i Montili Poimbida Kalaja Datuk Teo Chee Kang om huguan Umno Kota Kinabalu Datuk Faisyal Hamdan Deigo. Kuang 1,000 tuhun mogigsusuvai tinauu nokotindapou.

Naamot, Seruji minoboos koubasanan hamin poingivang kaanu popogiot pikouvangan okon nopo ko Muslim katapi nogi okon ko Muslim.