MINSINGILO BOROS KADAZANDUSUN APASI BOROS, APASI TINARU
Kadazandusun milo gunoon id pibarasan, id pitimbungakan, id piokunan do piangayan om piabayan om id koponontudukan nogi i d siku l o mi d w alai p ana m bayangan. S umu su u t di tin o p ong a pinibarasan di Rina om i Bernard (ngaran panarandak nopo. Au otootopot do yolo ii sangaran kopio). Kopisanangan do mambasa.
Rina: Haro iso pongudiyaan ku dika. I have one question to ask you. Bernard: Nunu ino? Rina: Nokuro ma tu asaru sumirot do tondu o kusai? Bernard: Apagon monimbar ino. Rina: Kusai mintong tondu oruai id wuros nga alaid id tinan. Bernard: Hehee nokuro? Araatan ko di? Rina: Au nga au oku oubas. Bernard: Koilo ko, sandad no do kusai miagal di. Rina : Ah, pointantu haro kobungou suai ko iri. Bernard: Sandad no do orohian kusai mintong linundus tinan om wuros tondu. Rina: Ba nung irad diri ika nga miagal di tu asaru ko sumirot wuros di tadi ku. Bernard: Mokiampun oku nga au ku nopurimanan asaru sumirot wuros diadi nu Rina: Okon toi ko gonduon o kusai miagal dika? Bernard: Okon. Noboros ku no di tiinu do sandad o kusai arahi sumirot tinan om wuros tondu. Rina: Nunu kosiratan nu di tadi ku, kiharo no ma tambalut dau kusai Bernard: Au ku pusoon haro toi ko aiso boyfriend dau nga au ku olimon kolunduso dau soira osiratan ku tumalib id toguang ku. Rina: Ino no kointutunan ku do gonduon ko. Bernard: Au kotunud ino pomusarahan nu kumaa doho. Nunu kasalaan ku sumirot di adi nu. Tanakwagu oku po om ika nga haro no tambalut kusai. Rina: Momudut ko. Bernard: Nokito ku gambar nu id Facebook pointalad ko dau om posukabai longon dau id liwawaha nu. Rina: Giwogu ku. Bernard: Pointantu no mongiwogu oku mantad no do kiginawo oku daa kumaa dika nga soira nokito ku i gambar nu, kopurimanai ku do opodi id tunduundu ku. Rina: Timpu baino sundung ogumu tambalut, okon komoyon do silihon nu ngawi ri sawo nu. Bernard: Topot nga tongondu ogumu koligaganan nung oidamaann ogumu tambalut kusai. Rina: Nunu kopusaan nu nung ogumu tambalut ku kusai? Bernard: Oupus oku daa dika kangku ma dii nga kitambalut ko no Rina: Au oku po koumpai (kotounda) mambalut dika. Bernard: Nunu komoyon nu miagal dino? Rina: Au oku po manansawo toruhai. Bernard: Yoku nga okon ko manansawo toruhai o sorohon ku Rina: Mogot do mium ko do tondu suai nga okon ma ko tadi ku. Bernard: Aiso kosongonuan nu mogodu doho mongupus di tadi nu. Rina: Ii tadi ku nga haro no tambalut dau, kangku dika dii. Bernard: Nokuro tu aiso simbar dau soira nuhot ku di koniab? Rina: Au doti isio katama sumimbar dika om popoboros dika do katapatan. Bernard: Uhoton ku kawagu isio sodop baino. Rina: Ha, miagal do minibatos kou no kio do miruba? Bernard: Otopot. Rina (Miningkodom om aiso bongut suminimbar)