St John’s Beaufort mamalamai kouhitan 70 toun
KOTA KINABALU: Sikul Pangan Tosiibo St John’s Beafort papaazu pangaangakan do mamalamai kouhitan 70 toun umul dosido ontok July 15.
Sikul nopo dino nga tinoodo do Mill Hill Missionary London poguhu i do Pisangadan Pomogunuan Koduvo, miampai do pomuuanan dii Fr Gosen.
Id tinimpuunon dosido kivao songuhun no haid o mongingia, zi Yong Mui Yi miampai 40 susumikul. Katapi ontok July 1947, kotoinaan sikul kivao nodii do hugaun sikul - Dominic Ho.
Ontok kinovion 1947, ginumu susumikul nokoikot 76.
Ogumu bagas huguan sikul, mongingia om susumikul do sikul dii do koikot ontok pangaangakan naait, om vookon kotindapou nga i polosidin do alumni, Datuk Yeo Boon Hai om isido ponoogi Mayor do DBKK.
I nopo ngaavi bagas huguan sikul do koikot nga: Peter Walter, Godfrey Daya, Henry Ukang, Francis Basintal om Anthony Wong.
Pangaangakan dii kaanjul doid Peregrine Grand Ballroom, Likas Square Apartment, Likas Kota Kinabalu tumimpiin doid 6.30 minsosodop.
Komiti mnagazu magahap do bagas susumikul do mikot om mampazat id abaabazan dino, miampai iso tikit kihoogo RM100. Kivao nogi do “live band”, bagas susumikul St John mananapanai muzik, pokitanan do susumikul om ponimpuutan tikit kinasip.
Usin toukut gunoon do manakadai koisaan bagas susumikul do papapanau do abaabazan dosido.
Montok tikit, tuubungo Lee Kui Liam (0128270266), Abdul Rashid Hee (019-8201119), Christina Joseph (010-3391991) id Kota Kinabalu om Mary Haak (013-8588917) id Beaufort.