Papapanau om motosikal tinaan id ‘Ops Samseng’
KOTA KINABALU: Siam motosikal om songulun papapanau kusai tinaan id ‘Ops Samseng Pindalanan di pinapanau hiti di kosuabon tadau Minggu.
Boyoon Pulis Watas Kota Kinabalu Asisten Komisioner M.Chandra minoboros do kusai dilo tinan kikira jam 2.45 minsusuab ontok pinapanau iso korita kawo Toyota Hilux.
Tumanud dau, asil pinomorisaan nokoilo do korita dilo minomoguno do numbur koporijistaran okon sanganu Toyota Hilux dilo.
Idsuang ahal dilo, nowit do bogian dau ih pinapanau om padsakaian dilo doid Balai Trafik Bandaraya montok soriukon tumanud Seksyen 108 (3) (A) Akta Padsakaian Ralan (APJ) 1987.
“Siam tinan motosikal ih tinaan nogi nowit doid balai trafik montok ponoriukan potilombus tumanud Seksyen 60 APJ 1987.
“Poompus operasi dilo pinapanau, kiginumu 75 tinan padsakaian mogisusuai kawo om kiginumu 78 tulun pinorisa miampai tosoriuk.
“Pinapalabus nogi pulis do kiginumu 77 kaping saman id operasi dilo,” ka dau.
Minoboros ih Chandra do Ops Samseng Pindalanan om Ops Naawuk pinapanau di Bogian Ponoriukan om Kopogiro tankuasa Trafik Longkod Upis Pulis Watas (IPD) hiti.
Tampat di nokoompit ka dau nga Ralan Coastal, Ralan Lintas, Ralan Tuaran Bypass, Ralan Kapayan om Ralan 1Borneo.
Tumanud dau, laang popogirotkuasa papanaon potilombus montok momunso kaparagatan ‘samseng’ pindalanan om papamanau padsakaian di nangawuk.