Miboros kopinsinan miampai KWSP tumimpuun id Suria Sabah ontok 15 -16 Julai diti

KOTA KINABALU: Tinimungan Tusin Poopion Pakaraja (KWSP) manganjur do abaabayan Miboros Kopinsinan Miampai KWSP tumimpuun 15 gisom 23 Julai diti.

Abaabayan koiso papanaon id Suria Sabah hiti ontok 15 om 16 Julai om ontok 22 om 23 Julai ilo pohoroon id The Spring Kuching Sarawak.

KWSP tantu noh do gumura aparagat montok papanau do piipiro abaabayan kokomoi do kopinsinan id pointongkop poghun.

Ilo montok popointanga do ahal ngawi ih maganu kokiraan ahal umur sabap do Malaysia rumulud montok pogun di maidlaid kiumur rumirikot toun 2030.

Ontok timpu dilo, 15 paratus kogumuo koinsanai tulun id pogun diti kaampai mantad tinimungan nongokolohing.

Ahal diti kopoingkawas doti do piipiro waya ‘ekonomi’ pialatan dilo koinsawatan balanja koposion montok momogonop kogunoon kogumuo koinsanai tulun nokolohing mantad kawo panamangan kolidasan om sakadai ‘sosial’.

Miampai jangakaan timpu koposion kosigampot 75 toun, otumbayaan o KWSP rayat Malaysia mositi haro pinoopi kousinan di lobi montok mananggung timpu kopinsinan di lobi alaid.

Idsuang ahal dilo, poingkuro sosongulun dilo momonsoi koposodiaan montok kapaganu do kopinsinan om nogi mongilag do pinoopi kopinsinan aawi idsuang timpu tosikap?.

Ahal ngawi ih okitonan do montok sosongulun om ‘sosial’ diti antakan doti om magnu kokiraan potitikid puru montok tulun ngawi.

Pamalanan montok momodimpot iman-imanon kousinan komoyon do haro toilalaan ‘hak’ kousinan montok abaabayan kopinsinan.

Mantad dilo, kada oiduanan montok tumanud do abaabayan pibarasan di kagayat poompus duo tadau ilo do papanaon.

Pialatan ahal di pointangaon kaamung noh Kotorinaan Mononontuduk Kopinsinan (RAS) montok pamalanan tosikap kopinsinan, pangalabusan KWSP om koluyungan kotorinaan momoguno koluyungon (e-Pangalabusan), om ponorinaan tutang om poingkuro momoruhang pamalananan kopinsinan.

Piipiro abaabayan kagayat pohoroon nogi kopinamot miampai abaabayan diti pialatan dilo nopo nga ‘kuiz’ om kapanahakan tanda kaandaman.

Id ahal dilo, ahawo noh kosiwatan montok rumijisto i-Akaun toiko kapaganu do kopoilaan KWSP kawawagu maya do Tinimungan Mabpanau KWSP.

Iyolo ih haro kosiwatan rumuba do RAS KWSP om upisor mantad Agensi Kaunseling om Ponorinaan Kredit (AKPK) montok ‘konsutasi’ aiso kabarai kikoompitan kopinsinan om ponorinaan tutang.