RM10 lizong hamin kavavagu Tawau Hotspring
TAWAU:Hamin Tuhun Nohoing Hotspring Tawau oduuk no kivao hamin kavavagu kihoogo RM10 lizong do pamaganti hamin dosido i modtikoumbak no.
Pinopoiho diti ontok July 11, potunud Upis Manaak Sakadai Mohd Noor Wahab minoboos do hintuun om upis do tizonon dino nga au i umbakon montok sabap susuzan.
Mohd Noor minoboos do kopolintaan minanaak kousinan montok do projik dino om Kounsol Kakadazan Twau (TMC) monoodo pitimbungakan id vuhan diti do miboos montok palan hamin dino.
Minoboos ontok haminpoingivang Raya Aidilfitri om Tadau Paganakan do Hamin Tuhun Nohoing Hotspring doiti, ahansan isido do palan hamin nga osikap opongo miampai sakadai do TMC om PWD mooi do kalaja opongo id timpu duvo toun.
Ka disido tumanud do nokosuat id upis disido, Hamin Nohoing Tawau Hotspring nopo nga iso i topulokis id Sabah sundung potuu do hamin dino nga miaga haid di poguhu i.
“Kotoinaan dosido om haang tosikap do mongiho tinimungan tinduon (nongohoing) nga noikot vinasi,” ka vagu disido.
Naamot upisol mintamong do hamin naait, Taufiq Leong pinopovuhai do kalaja dioho do mintamong tavavasi do tuhun nohoing om mongumohig dioho sogigisom do numpaasan dioho om mongiho do tomoimo izioho kopiuman asanang om otoonong.
Nokotindapou nogi i timbang polosidin do TMC Aftar Nurajat, bagas polosidin Datuk Ismail Mayakob om suvai tombuhui.