Kopomuruanan Pakatan Harapan ‘au atantu’ - Hishammuddin
LENGGONG: Timbang Porosiden UMNO Datuk Seri Hishammuddin Tun Hussein minongomi do kinoponuridongan nuludan kopomuruanan Pakatan Harapan sabaagi ‘au atantu’ miampai aiso imanimanon padamaan tototopot.
Minoboros isio do nuludan kopomuruanan pakatan gugumaga dilo nogi okito do au atantu miampai minomonsoi do palantikan di au oulud.
“Au atantu toiko au otoronong. Baino nga momuruan nga au miingat-ingat toiko pagarawatan noopo, momoguno isio minangalantik tolu tulun dilo (Datuk Seri Anwar Ibrahim, Tun Dr Mahathir Mohamad om Datuk Seri Dr Wan Azizah Wan Ismail)...ih suai nunu sorita dilo?
“Nonggo poopian di Datuk Seri Mukhriz Tun Dr Mahathir, nonggo poopian di Datuk Seri Mohd Shafie Apdal, nonggo poopian di Tan Sri Muhyiddin Yassin. Ilo toinsanan nosiliu tanda ponguhatan,” ka di Hishammuddin ih nogi Montiri Gugumaga kuminaa monunurat abar kalapas pinotimpuun do ponutuban Pitimbungakan Lalansanon UMNO Bogian Lenggong hiti, koniab.
Ontok tadau Kaapat nakatalib, Pakatan Harapan ih nuludan do PKR, DAP, Parti Amanah Negara om Parti Pribumi Bersatu Malaysia (PPBM) pinopoboros do tinan kopomuruanan kawawagu diolo miampai minumungaran di Anwar sabaagi Boyoon Koinsasanai, Dr Mahathir sabaagi Ponorikohon om Dr Wan Azizah sabaagi Presiden.
Minongomi potilombus, Hishammuddin ih nogi Montiri Miampai Karaja-Karaja Poimbida id Koupisan Luguan Montiri minoboros do kopomuruanan Pakatan Harapan otopot kopio kopokito do imanimanon poposonong do ralan.
“...om ngaran ngawi ih pinungaranan dilo (Anwar Ibrahim, Dr Mahathir om Dr Wan Azizah) gulu poh pinimbarasan kumaa dotokou sabaagi au otorimo sumiliu momuruan, baino linantik nodi do sabaagi momuruan Pakatan Harapan.
“Au oku osongkuro otumboyo do iyolo diti otootopot nangku toiko momonsoi noopo sabap ‘the marriage of convenience’ (marya ralan tonudon kogunoon), opurimanan ku ngaran tiinu gunoon noopo.
“Opurimanan ku gugunoon ih Anwar noopo montok lontikon sabagai luguan montiri sabap boros miampai kotimpuunon noopo om montok pomusarahan ku sondiri, au isio otorimo. Onu ma baino diti ‘dah taubat kah”,” ka disio.
Anwar baino papanau do ukuman jiil limo toun mantad podi 2015 kalapas noilaan kisala minangasou bagas panakadai disio sondiri ih Mohd Saiful Bukhari Azlan.-Bernama