MINSINGILO BOROS KADAZANDUSUN APASI BOROS, APASI TINARU
(conversation) no o kopomogunaan do boros tinaru, i kopomogompi boros om tinaru mantad atagak toi ko opunso. Boros Kadazandusun agayo guno do atampasi id pogun diti. Tinaru Kadazandusun pasok momogun do pogun diti.
Tinaru tangagayo ruminikot noopo hiti miagal tulun ngawi mantad pogun Sina, pogun India om pogun Malaya.
Kikosongonuan (possess the right) o pasok momogun manampasi boros tinaru sondiri id pogun diti om gunoon daa diolo boros sondiri monuduk toilalaan kumaa sinakagon diolo i kampai no ponudukan panambayangan om tadat gulu-gulu. Pomusarahan do takiaki om todu-odu diolo minaya boros tinaru. Mantad no do pomusarahan pointanud do boros tinaru o kogunaan manampasi boros.
Boros Kadazandusun agaras tu minilo papadalin koinsanai suang Buuk Panambayangan Kristian mantad boros English. Nung miagal dilo, kirati do boros tinaru Kadazandusun milo gunoon do sanganu do mogiboboros om momusorou kaantakan pomusarahan sompomogunan (global thinking). Tonudo iti sumusuhut pinibarasan di Jonieh om id Juita.
Jonieh: Juita, koilo ko do soira po haro pioduhan id pikoruhangan, rumaat nodi topurimanan do mikoruhang. Juita: Karaag pikoruhangan okon ko i pioduhan nga i nokobungou toi ko nontodonon do pinioduhan dino. Jonieh: Topot ino boroson nu. Nung oilaan i nokobungou toruol nopitanga no iri do nolingasan. Juita: Miagal no di kasanang id boroson nga topot nopo apagon do olingasan toruol id ginawo nopudali mantad do pioduhan do mikoruhang. Jonieh: Pingkuro po nga, osiliu kasari nopo pioduhan om au kopitunudan id pikoruhangan do tulun. Juita: Tumanud pomusarahan nu oi Jonieh, nunu di apatut mangan tokou do minsodu mantad kootus pioduhan id pikoruhangan? Jonieh: Sikapan no do mokiampun om kada do monondos. Juita: Nokoumbal ko no mokiampun di sawo nu? Jonieh: Asasaru oku minokiampun dau. Pingkuro ko ika? Juita: Koumbal nogi. Asaru mokiampun kointutunan manaku iri do au osonong o pikoruhangan? Jonieh: Okon ko miagal di tosorou ku. Juita: Milo manaku tolibanan au kopitunudan id pikoruhangan? Jonieh: Au doti milo tolibanan nga kiguno kopio do sopiampun-ampun soira do haro aukopitunudan id pikoruhangan diolo. Juita: Ogumu doti pikoruhangan atampasi mantad kopitongkiyadan nung kasaap tulun sopiampun ampun? Jonieh: Haro katapatan dino pomusarahan nu nga apaganan o tulun do mokiampun om mangampun. Nga lobi asanangan o tulun do monoromo toi ko monondos. Juita: Asanang i doti sopiampun nung indai noopo aukopitunudan o nokobungou nga nung haro kobungou susuai, iri no kapagon do miampun. Jonieh: Milo tokou i daa mintingubas mokiampun om mangampun tikid timpu haro aukopitunudan. Juita: Topot kopio.
HARO kopiiradan do pomusarahan toinsanan tulun id pomogunan diti. Iri no tu pomusarahan do tulun nopo nga minoyo (tuminanud) do boros do tinaru sompori. Tulun topurak nogi nga kopuriman do otibanasan id ginawo. Otinabansan kirati id boros diolo do “sober” ka. Miagal nogi di tu haro id suang ginawo tulun do moninganu. Moninganu miagal rati “paranoid” ka do tulun topurak. Ino no koilaan tokou do pomusarahan toi ko pomuandaman do tulun au intangan nunu tinaru haro kopiiradan.
Mogiagal kopurimanan tinan tulun soira do orualan, aandasan, opiraawan, louson, osindualan, tuuhan, louson, otolikudan, aansangan, atalaanan, oinduruyan, osongulunan, oinggorit, osomuan, osompopingan, owudutan, oiman-iman, otopunan om susuai po. Mantad dino do nung milo o boros tinaru tokou momungaran do nunu nopo i nopurimanan om nosorou tulun tokou pogulu, osonong kopio nung gunoon tokou boros tinaru sompori do mogiboros, alibalib (especially) po om id walai sompori kumaa tanak. Id sumusuhut diti nopo nga opod pongudiyaan i nonuan do apat sisimbar nga iso no o sisimbar di pointunud kopio.
Tunudo sisimbar dino om piirado (piagalo) sisimbar naampalan (chosen) nu dilo sisimbar pinatahak id kolimpupuson. Kopisanangan do mambasa.
1 Nung rumasam do alaid o timpu om aiso kotingkadan roitan ino do timpu do? A gompus B kibuluntung C morisporis D mogoliud 2 I opudali mantad do sabun om waig maso modsu toi ko momupu tokou bangkad roitan iri do? A pamaya-baya B rongos C puta D bagas 3 I pataamon tokou soira awi mongingkid (mangakan) i tawaran (luong) roitan do? A korugui B kurulu C tinggayan D nigiton
4 Watu di ? nopo nga au sokoton do rongilut. (Stones that are ? gather no moss) A agayo (big) B okodo (small) C muwid-luwid (rolling) D olinou (smooth) 5 Porobuaton (kuamaan) di notimpuunan momonsoi nopitanga no do? ( a work begun is half ? ) A nasanganu (owned) B naadaan (discarded) C nosupu (composed) D nopongo (done) 6 Osonong nogi tutuduk okudi nogi tulun do ? (Good advice is least ? ) A orohian (liked) B ounsikaan (appreciated) C mokianu (asked) D momusou (heeded) 7 Okon ko koinsanai di ? do amas. (All that ? is not gold ) A magang-ragang (appears red) B milou-silou (appears yellow) C mitom-itom appaears black) D milou-kilou (glitters) 8 Tobubut di aiso suang nopo nga au ? do poingkakat. A olundus B kagayat C orikos D apasod 9 Tutok di gobulan nopo nga pagkama-kamaan (workshop) do ? A wokon B limbukon C rogon D pinaru 10 Nunu i potonomon tokou iri no ? tokou. A indokodon B piagil-agil C pogosingatan D omoton Sisimbar: 1.A, 2.C, 3.A, 4.C, 5.D, 6.D, 7.D, 8.D, 9.C, 10.D