Ruputan PBB: Malaysia pialatan 10 pogun noimangan norolian HIV

PERTUBUHAN BANGSA BERSATU, NEW YORK: Malaysia nopo nga pialatan 10 pogun, miampai koinsasanai dilo, nokoponurat lobi 95 paratus montok toinsanan norolian wagu HIV id pogun Asia Pasifik, irad dilo tumanud iso ruputan Koisaan Bansa Misompuru (PBB).

Ruputan dilo ih pinotimung di Abaabayan Songowian PBB kokomoi HIV/AIDS (UNAIDS) ‘Ending AIDS: Progress Towards the 90-90 Targets”, minoboros do siam pogun Asia Pasifik miampai bogian di alaab norolian wagu HIV ontok 2016 nopo nga India, China, Indonesia, Pakistan, Vietnam, Myanmar, Papua New Guinea, Filipina omThailand.

Ilo nogi haro pinonoriukan (analisis) nakalaab kokomoi do pokimamaan di pinatatap montok toun 2020 soira 90 paratus mantad diolo ih mongilo (diagnosis) miampai HIV mositi kaanu poposuang ‘erapi retroviral’ (ART) om 90 paratus mantad diolo ih maganu ART kopongingkudi doti do waya om ‘replikasi virus’.

Montok kumoinsan nogi montok manangod AIDS, lobi pitanga mantad diolo di apasi miampai virus AIDS baino haro ‘akses’ kumaa pongubatan om kapataion ih natadon do AIDS pinoingkudi soosomok 50 paratus mantad podi toun 2005, tumanud ruputan dilo.

Tumanud do ruputan dilo, norolian HIV id pogun dilo nantakan doulu noh kumaa pakaraja ‘seks’ om tombului diolo, kusai gay om kusai suai ih papaharo do piromutan ‘seks’ miampai kusai, tulun ih momoguno dadah miampai joruman, tulun ‘transgender’ om suai-suai.

Poingkuro poh nga, iso babang kalansanan di okitonan id pogun nopo nga rontob tounan norolian HIV wagu nokopokito do kinotuhunon 13 paratus idsuang timpu onom toun nakatalib, mantad 310,000 ontok 2010 kumaa 270,000 ontok 2016.Bernama