MINSINGILO BOROS KADAZANDUSUN APASI BOROS, APASI TINARU
BOROS Kadazandusun (KD) milo opunso nung au boroson do sanganu (somboros). Boros apasi nung boroson do sanganu. Boros di au boroson opunso mantad soribau tana. Sumusuhut diti nopo nga iso pinibarasan di winonsoi-wonsoi noopo om ngaran miniboros (Marisa om i Jison) nogi nga au otootopot do yolo ii sangaran. Nung nakasangai ngaran nu, siou tu au tinomod. Paantakan do papaharo pibarasan miagal diti nopo nga moi do otunudan o ralan kapamarasan do boros KD id pibarasan i topoton o paantakan okon ko langatan do boros Malaya. Kopisanangan do mambasa.
Jison: Boros ka do tambalut ku, monupu nopo sinding KD, kada ruhangai boros Malaya, ka disio. Marisa: Okon ko roiton noopo au ruhangan loyuk nogi. nga au daa pousuion loyuk tinaru suwai Jison: Apatut kito momogulu monupu sinding i kosudong do roiton om loyuk miagal diti pokimamaan kito. Marisa::Iri no kangku dika, koilo ko monoromo wokon nga ika sondiri nga au kopudali monupu sinding miagal dilo. Jison: Marissa, nokuro tu moboros ko miagal dino? Marisa: Araat tinipi ku di kosodop. Jason: Nunu noipi nu poboroso dogo, koilo oku monunud do tinipi. Marisa: Nokito ku ika manangkus om mongogusa ko do sapi Jison: Ah, au araat rati dino tinipi nu Marisa: Asaru monopot tinipi ku. Jison: Sumambayang oku id Kinorohingan moi do au motus rati taraat dino tinipi nu. Marisa: Modosi oku monokisaap ko do ponokisaap nu tohuri tadau Jison: Nunu komoyon nu dino? Marisa: Alaid po piombolutan kito do sumiliu iso piginawaan. Jison: Nunu di apatut mangan ku? Marisa: Modosi oku do au ko otootopot oupus dogo. Minsimban ino ginawo nu. Jison: Au oku kaanu popointalang dika suang ginawo ku do otootopot do oupus oku dika suai ko mantad id boros ku noopo. Marisa: Modosi oku sumimban ino ginawo nu kangku di Jason: Kotumbayaai no doho, au sumimban ginawo ku Marisa: Kada kito piboros om piruba do solinaid sontoun. Intangan ku nung au sumimban ino ginawo nu Jison: Ba, kaakun oku dika. Marisa: Pounsikou. Hiti ko po. Jison: Marisa, Marisa, kada po ibok. Marisa (aiso simbar)
Sumusuut diti nopo nga pinibarasan di Dius om i Dina. Kopisanangan do mambasa.
Dius: Dina, aiso guno nu mononsol nunu i nakatalib Dina: Asanang ko moboros nga au ko kopuriman diti topurimanan ku. Dius: Otopot ino boroson nu nga aiso guno mogihad do susu di nasaug. Dina: Koilo ko monoromo doho om korualan ginawo ku nga au ko i monguhup doho, ino komoyon do aiso kosianan nu kumaa doho. Dius: Nabarasan ku no ika di pogulu Dina: Au ko gia osonsog. Insan oku no dika barasai. Dius: Au oku oubas mononsog tulun. Dina: Au. Id topurimanan piginawaan, mositi haro kolonuton om pomumusou id ginawo. Dius: Nunu komoyon nu dino? Dina: Aiso kointutunan ku id wuros nu do opusou ko doho maso di. Dius: Au nu oilaan moyo wuros ku nunu id suang ginawo ku. Dina: Apagon oku karati dika. Dius: Gisom baino nga au ko po karati topurimanan ku kumaa dika. Dina: Siou nga oilaan ku do nosindualan ginawo nu. Dius: Nunu di pamabas nu doho? Dina: Aiso. Dius: Nokuro? Dina: Au kito piniontok do KInorohingan. Dius: Au po bo daa noloidan Dina: Poingkuro do au noloidan? Dius: Piobpinayan no ii au kasagaan do molohing iri no nokotobon do piupusan kito. Dina: Au kasagaan do molohing okon ko katabanan. Dius: Manu ko manaku daa nung minsud kito mantad kampong kito kumaa id sodu? Dina: Manu. Lumansan oku noopo dika.