MINSINGILO BOROS KADAZANDUSUN APASI BOROS, APASI TINARU
Kadazandusun (BKD) milo gunoon id pibarasan tosonong miagal ko duo tulun miboros montok do kaantakan tulun, pinsingilaan, toilalaan, pongindopuan, pibatasan, piangayan, poginakanan, piginawaan, piupusan, koihadan, kopodsindingan, nayakan, sambayang, susuyan toniba, piombolutan tulun om susuai po.
Sumusuhut diti nopo nga pinibarasan di Rina om i Jason id lumunduk piginawaan diolo di wawaagu (ngaran tulun, timpu, uhu pibarasan, kinaantakan om kinoyonon au otootopot nga sinupu do panaandak noopo diti pibarasan om nung nakasangai ngaran nu om nokopiondot ilo kinaantakan om uhu pibarasan id koposion nu, siou tu au tinomod om kada poninganu kio). Kopisanangan do mambasa.
Rina: Okon ko au oku guminawo dika nga... Jason: Nga nokuro Rina? Rina: Pupusan ku po daa sikul ku. Jason: Kaandad oku i dika. Rina: Topot toi? Jason: Otopot. Ika no koupusan ku om aiso no suai. Rina: Oilaan i kosonongo do guas kayu mantad di tua dau. Jason: Ba intangan oku nopo dika. Rina: Au oku milo mamatos dika tu osodu po o panahon ku id koposion ku. Jason: Rina, kada pomoros do boroson di apagon do orotian ku. Rina: Mada oku do mongimaniman dika. Jason: Au. Au oinsan ko do minongimaniman doho. Rina: Insan tadau doti. Jason: Kasaap oku do rumundun do koinggoritan nu. Rina: Koinsanai doti kusai do arahi moboros miagal dino kumaa tondu di koginawaan dau. Jason: Nunu kasalaan ku do moboros oku miagal di? Rina: Kogumuan do nunu i boroson do kusai do au abayaan. Jason: Rina, onuai oku kosiwatan do mongupus dika om momusou dika. Rina: Au ko otumbayaan do nunu i binoros ku dika. Jason: Rina, aiso guno ku do poimpasi nung aiso ko. Rina: Gumu po tondu suai. Jason: Rina, noboros kuno dika do au oku mium tondu suai ko ika. Rina: Haro iso kobolingkaangan tagayo id koposion ku i au ko koimbogui do monguhup. Jason: Nunu ino? Poboroso kopio dogo. Rina: Tupono mantad dokutur pongolingasan. Jason: Kasaap oku i rumundun dika. Rina: Aiso guno nu do rumundun dogo. Jason: Iriiri no batos ku kumaa dika. Rina: Okon ko kouhangan do Kinorohingan do au ko sumakag. Jason: Nunu komoyon nu miagal dino? Rina: Andasan ku do nakarati ko no di. Jason: Au. Rina: Pibarasan kito iti id timpu kawagu. Jason: Au oku tumongkiyad dika.