Apasi boros apasi tinaru

Boros oh kointutunan tinaru. Kogumuan do tayam om tombolog nogi nga pinungaranan moyo do pongunguni. Nung atagak boros, atagak nogi tinaru. Nga do naamot mandad potudukon boros Kadazandusun id sikulan porinta, nokuro tu au do sanganu (somboros)gunoon boros tinaru id walai sondiri om id walai panambayangan ih nosompipi tulun Kadazandusun do tumimung? Nokuro tu au tulun Kadzandusun arahi mambasa boros tinaru sondiri i posuraton id surat abar pogun? Id suriba nopo nga opod pongudiyaan montok kotumbayaan om kooturan do gulu-gulu tinaru Kadazandusun i koindorosi tangaanak di pogulu. Mantad kotumbayaan om kooturan do kinongohon kopio tangaanak o sontob ponuhuan om pogoduhan do molohing. Pongudiyaan dino nonuan do tolu sisimbar nga iso nosisimbar di pointopot kopio. Ihumo sisimbar dino om piagalo sisimbar nu dilo sisimbar pinatahak id kopompodon. Kopisanangan do mambasa.

1. Au kawasa o tanak tumimpak tosung do timpu makan takano mantad no mada do? A. oligogon do au kasawo i tanak B. oligogon do au sumurut tinan di tulun C. oligagan do lumapak i tosung 2. Tinan tulun napatai au kawasa alaangan do tayam. Nokuro ma? A. Rumasam do asapou B. Sumiliu tayam i tinan C. Tumungag i tinan 3.Tulun tokou pogulu au pakawasa tangaanak tumuloong (gazing) dilo wulan timpu misarawang (full moon). Nokuro ma? A. Obolou mato di tanak B. Sumiliu gonduon ih tanak C. Oulau ih tanak 4. Tulun tokou pogulu au pakawasa tangaanak monila (licking the tip of a knife) pompod do pais. Nokuro ma? A. Sumiliu gosingot i tanak B. Sumiliu gurongit i tanak C. Lumawis dila di tanak miagal pais 5. Tulun tokou pogulu moddosi momudut (telling lies). Nokuro ma? A. Ontokon do popol (curse) di tulun winudutan B. Gandason oh tulu C. Sumuni wulu tanaru id rabas om pingas 6. Pagangatan do tulun tokou pogulu do tumudu takano tantad mabpanau (mindahu). Nunu abayaan nung au i tulun tumudu? A. Otopunan B. Osisian C. Obokulian 7. Tulun tokou pogulu au pakawasa tanak tondu mangakan takod manuk. Nokuro ma? A. Osiliu gansau i tondu om osodu kopononidon (kapanansawaan) B. Sumiliu manuk i tondu C. Sumiliu Tom boy i tondu 8. Tulun tokou pogulu au pakawasa tangaanak monuduk do buluntung. Nokuro ma? A. Oulau i tanak B. Apasa tunturu di tanak C. Obolou mato di tanak 9. Tulun tokou pogulu au pakawasa tangaanak mongitob dilo rombituon. Nokuro ma? A. Gandason i tanak miagal ginumu rombituon B. Rumatu ilo rombituon C. Oulau i tanak 10. Tulun tokou pogulu, maso managad do punti, au kawasa mintong di tuwa punti. Nokuro ma? A. Au maba i guas punti B. Obolou mato C. Momilinsou i tua punti Sisimbar: 1.B, 2.C, 3.C, 4.B, 5.A, 6.A, 7.A, 8.B, 9.A, 10.C