Kada kalawong tumoguang ponokilitan
# Kopoingatan kumaa puru Umno montok mongilag ponombirangan gugumaga
SIPITANG: Kada kalawong tumoguang do ponokialtan di kotilombus rumikot, gaga’on Umno mantad panangadan monokisaap montok timpu tabantalan rayat om pogun.
Ilo noh pason kiguno kopio pinoboros di Puru Tinan Takawas Umno ih nogi Montiri Padsakaian Datuk Aziz Kaprawi ontok minanahak boboroson pinotimpuun do pitimbungakan lalansanon Umno Bogian Sipitang, hiti di tadau Koonom.
Tumanud disio, ponokialitan rumikot miampai nunu noopo ahal, mantad suang parti nangku toiko labus parti, mantad dilo potitikid puru au obuli alawong toiko asarayan om ongowit ngawi miampai ‘sentimen’ toiko ‘emosi’.
“Onu ih kiguno montok puru Umno, tokou mositi popotilombus padamaan, popogirot do kogos miampai ogirot kopio miampai kotilombus moningolig nasib bansa om pogun tokou.
“Ginawo om pomusarahan tokou mositi awakas poindaama parti. Umno om BN toiso-iso kogos tosonong kopio ih okito kopio sabaagi gamut pogun mantad podi nakalantoi,” kaa disio mikuo pinapatarang do kogos gugumaga timpuunon poh okito noh au kalantoi.
Siningkiwal di Aziz o gugumaga ih mimboros ngawi ahal di au osonong om monombirang paparaat do porinta om kopomuruanan BN kokomoi do mogisusuai ahal miagal ‘ekonomi’ om gatang barang.
Ka disio, onu ih poboroson do gugumaga otopot kopio au otopot, katapi mogiodu iyolo om iyolo om mogiraraat pialatan iso om suai.
Iddsuang ahal dilo, pinosorou disio o rayat tuh au monokodung gugumaga sabap kogumuan momuruan diolo nopo nga bagas puru Umno ih baino diti kuminam momit do pomusarahan Umno montok kapaganu do kosianan rayat.
Umno Bogian Sipitang binuruanan di Puru Parlimen Sipitang Datuk Sapawi Hj Ahmad. Nokotindapou nogi ih Kumoduo Boyoon Umno Bogian Kimanis ih nogi Panakadai Montiri doid Boyoon Montiri Datuk Mohd Ariffin Arif ih ponogi lansanon Piturubungan Umno Sabah.
Nokotindapou nogi, ih Kumoduo Boyoon Umno Bogian Datuk Kamarlin Ombi (Adun Lumadan), Timbang Boyoon Bogian Datuk Ahmad Bujang (Adun Sindumin), Boyoon Koonduan Datuk Surinam Sadikun, Boyoon Komulakan Hafez Musa om Boyoon Puteri Suzie Hamat.
Id ahal dilo, narayou di Aziz o kinoburuon om kotundaan pogun Sabah ih maid-laid gumumu id suriba kopomuruanan Boyoon Montiri Datuk Seri Panglima Musa Hj Aman.
Ka disio, Kakadaian Tagayo Kota Kinabalu baino osodu noh nokosimban piagalon gulu poh, om baino nopo nga pialatan kakadaian di ogirot om aandang id suriba Umno om Barisan Nasional (BN),” ka di Sapawi.