Lamin pakaraja 18 longobon nopunso notutudan
KOTA KINABALU: Lamin pakaraja 18 longobon id Kampung Bantayan Inanam hiti pinoruput do nopunso notutudan di sodop Kolimo nakatalib.
Boyoon Longkod Papanau Karaja (PGO) Koupisan Bomba om Manampasi Malaysia (JBPM) Sabah minoboros do kinantakan jam 9.50 dongotuong dilo kopoompit do lamin pakaraja kilinaab 30x150 kaki persegi.
“Nokotorimo tokou pamalahauan kaagaban id jam 9.51 dongotuong om minonuhu turu puru mantad Balai Bomba om Mongumolig (BBP) Lintas miampai turu puru sakadai om BBP Penampang om BBP Kota Kinabalu,” ka dau.
Minoboros isio do nokorikot puru bomba id tampat kinantakan id jam 10.19 dongotuong om pinapanau karaja pinomisokan minomoguno do kotos waig mantad injin bomba om pili bomba songindoros.
Ka dau bogian dau poingkuro poh nga nokotoguang kosusaan montok papanau karaja pomisokan sumusuut kosotolan waig di osuriba mantad pili bomba dilo.
“Lamin pakaraja dilo nopounso koinsanai id kinantakan diti om aiso nunuunu munggui ih pinoruput do nosindualan id kinantakan diti,” ka dau mikuo minanamba do pinapanau karaja koinsasanai nopupusan id jam 1.48 minsusuab.
Id kinantakan misusuai, lamin pakaraja sanganu Kotinanan Gata Pogun Sabah nga nopunso nogi id kinantakan id Kampung Taginambur Kota Belud di minsusuab tadau Koonom.
“Mininggisom o puru bomba pinapanau karaja pomisokan om nakaanu minanamong kinotutudan mantad nakaralad.
“Pinapanau karaja dilo nakaanu minanampasi stor kilinaab 20x50 kaki persegi ih mioput miampai lamin dino nokomoi poingkuro poh nga lamin pakaraja kawo naamot kilinaab 16x20 kaki persegi nopunso id kinantakan diti,” ka dau.
Tumanud dau pinapanau karaja pinomisokan kinotutudan dilo nampayat di siam puru BBP Kota Belud soira nokotorimo pamalahauan kaagaban id jam 5.25 minsusuab.
Kawagu dau kakaal poh bogian dau papanau do ponoriukan natadon kinotutudan om ginumu koinsasanai kinorugian di notoguang om aiso munggui pinoruput id kinantakan dilo.
Naamot dilo iso linimput hotel ih kiharo id Sembulan naraag kalapas piipiro barangan poimbida id suang nopunso notutudan.
Minoboros ih Khatizah do kinotutudan id tingkat tolu dilo kopoompit do almari, kakamot ponogit, blower om siling om puru bomba minomoguno do kopomisokan ‘wet riser hose’ id linimput montok manamong kotutudan karalad lobi agayo.
Ka dau karaja pinomisokan nopupusan id jam 10.27 dongotuong tadau Kolimo om aiso munggui pinoruput do nosindualan.