Kiginumu 200 mogiigizon id tohu kampung nokotoimo sakadai Tangki Vaig 1Malaysia
SANDAKAN: Soginumu 200 mogiigizon mantad tohu kampung id Hamin Koundangan Pogun (DUN) Sekong, nokotoimo sakadai tangki vaig 1Malaysia montok papasanang dosido popoopi kapanaakan vaig obolisi montok kogunoon tikid tadau.
Sakadai dino pinataak di Puu Hamin Koundangan Pogun (ADUN) Sekong Datuk Samsudin Yahya ih ahansan kozo doid mogiigizon mooi kaanu momoguno do pinanaakan dino miampai tavavasi.
Ka disido, sakadai dino nokomoi nogi ponokotanda do kikosianan polinta kumaa mogiigizon ih poingizon id boogizan Kg. Sundang Laut, Kg.Tronglit om Kg. Bambangan, Batu Sapi.
“Gunoon ino tavaavasi om imanimanon sakadai dino kaamung no papadagang dino montok kapaganu do kountungan tosisikap,” ka disido kahapas pinapataak do sakadai dino, koniab.
“Sakadai dino ponokotanda do kopolintaan Barisan Nasional (BN) montok papagaan do kavagatan layat okuang kamampuan kapaganu do tangki vaig dino.
“Sakadai diti nogi kaanu papasanang do kalaja ponomoi ngavi montok papanau kapaagatan tikid tadau, suvai ko papatantu do kapanaakan vaig ih kouha,” ka disido.
Id ahal dino, noboos disido do tumihombus o boogizan disido montok popoboos do onu noopo kobohingkaangan layat doid polinta montok haang di kosudong kozo.
Sakadai tangki vaig 1Malaysia nopo nga tohuod mantad Upis Kotundaan Pisompuuvan Pogun Sabah.
Nokotindapou nogi id abaabazan dino nga Momuu’an Kotundaan Mogiigizon (PPM) DUN Sekong Zantapha Zainal Abidin, Puu Konsol MPS Jaafar Jakaria om pakaakalaja Unit PPM DUN Sekong.