Subsidi RM40,000
# montok potitikid RBN id Sabah om Sarawak
LAHAD DATU: Porinta mananggung subsidi kiginumu RM40,000 montok kos pamansaian potitikid ‘Rumah Bina Negara’ (RBN) id Sabah dan Sarawak.
Montiri Koburuon Labus Kakadaian om Watas Datuk Seri Ismail Sabri Yaakob minoboros do RBN papanaon maya do Bogian Monguasa Koburuon Momukabun Tokoodo Pomorunan Gata (RISDA) miampai gatang RM45,000 ih piniokunan montok popiiradon id pointongkop pogun mantad luguan montiri.
Minoboros isio do montok Sabah om Sarawak, porinta mananggung subsidi pamansaian potitikid lamin RBN lobi agayo ilo nopo nga RM40,000 piagalon RM20,000 id Semenajung.
“Muhang o porinta do gatang lamin miirad nopo om aiso pisuaian montok papatantu rayat id pointongkop pogun kapaganu asil dilo,” ka dau id pitimbungakan abar kalapas pinotimpuun do Pitimbungakan Lalansanon UMNO Bogian Silam hiti, koniab.
Mantad dilo, ka dau pangapalaian RBN ukabon id pogun diti om mangapalai obuli kapaganu foom aplikisin id upis RISDA.
Minoboros Ismail Sabri do pialatan kooturan mangapalai nopo nga iyolo ih aiso lamin sondiri miampai kooturan mositi miyon id lamin dilo om okon wonsoyon montok posiwaan noopo.
Suai ko ilo, tapak montok pamansaian lamin nopo nga mositi do tanaa sondiri toiko nakaanu noh kabanaran mantad sanganu tana.
Minoboros isio do mantad kawo pagalasan, Agro Bank nakapasanang noh kooturan pagalasan mantad kawo ‘slip gaji’ ih momoguno tanda pandapatan noopo om obuli potontuon di Puru Parlimen, Boyoon UMNO Bogian om nogi Ponorikohon Tinan Koumoligan om Koburuon Kampung.
Aiso kapatantuan aplikisin RBN id pogun diti miampai timpu pamansaian potitikid lamin maganu timpu kiikira sontoun onom wulan, ka dau.
Minoboros isio do pamansaian RBN manahak kosiwatan kumaa komulakan labus kakadaian di aiso lamin doulu noh ih nakasawo noh, montok kiharo lamin sondiri. -Bernama