Poguluonon mongingia nakalaid, mongingia wagu pinosorou au mangapalai mokiolon pogului do katantu karaja- Mahdzir
SERDANG: Pinosorou di Montiri Balajaran Datuk Seri Mahdzir Khalid koniab o mongingia ngawi wagu di au poh nakatantu karaja tuh au mokianu mokiolon sikul montok tumanud pasangan sompori-pori.
Ilo sabap ka dau sundung pia kikosianan miampai mongingia dilo, poguluonon o mongingia di nakalaid noh pakaraja om poingiyon misusuai mantad pasangan diolo.
“Somoonu mongingia diti wagu poh koiyon solinaid sontoun katapi nakasawo noh. Om, alasan diolo (montok mokiolon) nga nakasawo noh om muhang poiyonon miampai sawo kuasi toiko tondu.
“Iyolo mositi haro ‘mindset’ kalapas tolu toun obuli nogi mokiolon. Asanang montok komontirian nung toinsanan (kipomusarahan) irad dilo,” ka dau kumaa monunurat abar Abaabayan Konvokesyen Insitut Balajaran Mongingia (IPG) Komontirian Balajaran kawalu hiti.
Minoboros Mahdzir do ogumu aplikisin notorimo disio irad dilo mantad mongingia ngawi ih korikot rumuba dau miampai sosongulun, id upis dau nangku toiko id abaabayan ngawi ih tindapouan dau.
Suai ko ilo ka dau, au nogi komontirian kaanu momogonop toinsanan aplikisin mongingia montok mokiolon om pakaraja id pogun sondiri.
“Suntu dilo Kelantan. Mongingia ih natadon mantad Kelantan om mongajar id labus pogun dilo lobi ogumu mantad kogumuo mongingia ih pakaraja id Kelantan sondiri.
“Om osusa montok kapaganu do tiyonon suai mantad haro mongingia ih nokopinsin toiko kiharo sikul wagu ih winonsoi,” ka dau.
Konvokesyen baino diti kopongintong do 5,978 graduan nokotorimo Ijazah Sarjana Muda Perguruan miampai Karayahan om Diploma Kopongiaan Malaysia.
Montok tinimungan graduan baino diti, kiikira 5,000 nakaanu pongiyanan id pointongkop pogun, ka di Mahddzir. -Bernama PONORIMO ‘Anugerah Khas Rektor’ Muhamad Naufal Badarudin (wanan) minokigambar songowian Wan Izzati Wan Ahmad (gibang) ih nokotorimo ‘Anugerah Kecemerlangan Praktikum Bahas Inggeris’ (TESL) om ponorimo ‘ Anugerah Khas Kokurikulum’ Anny Tang Siew Ung id abaabayan Konvokesyen Institut Balajaran Mongingia (IPG) Kawalu id Taman Ekspo Pertanian Malaysia (MAEPS) koniab. Kiginumu 5,978 graduan nokotorimo ‘Ijazah Sarjana Muda’ Kopongia’an Miampai Karayahan om Deploma Kopongia’an Malaysia id abaabayan konvokesyen dilo ih pinaharo solinaid apat tadau gisom 30 Ogos.