‘Suspek’ mogohimu mogowit lumabus sisik bulukun RM100 riong dawaan id kuut

KOTA KINABALU: ‘Suspek’ ih tinaan do Koupisan Kastam Diraja Malaysia Sabah noilaan mogohimu mogowit lumabus kiikira 8,000 kilogram sisik bulukun kigatang RM100 riong maya Lolokiton Sepanggar doros hiti ontok 29 Julai nakatalim potoguangon id kuut idsuang timpu tosomok.

Boyoon Potunud Kastam Datuk T. Subromaniam minoboros do pinonoriukan kumaa ‘suspek’ kiumur 43 toun ih nogi sanganu iso komponi, oruhai noh topongo.

“Dawaan isio id suriba Seksyen 135 Akta Kastam 1967 sabap kuminam daa mogohimu lumabus barang pogoduhan,” ka dau kumaa monunurat abar kalapas tuminindapou abaabayan nuludan tapantang kopinamot kopinsinan Potunud Kastam Sabah Datuk Dr Janathan Kandok, koniab.

Id ababayan dilo, Janathan pinapatahak do karaja dau kumaa Potunud Kastam Sabah ih wagu Datuk Hamzah Sundang.

Ka dau papanau bogian Kastam papanau do pangadawaan sabap kasalaan kopogohimuvan nga kasalaan kopogohimuwan nga au kapangantob agensi suwai id Sabah kaamung Koupisan Tomposion Lalang montok popogirot kuasa undang-undang id suriba kaganaan agensi dino nokomoi kumaa ‘suspek’.

Ontok Ogos nakatalib, id pitimbungakan abar minoboros do kinalantaian agensi dilo kigatang 100 riong ih pinoopi id suang 226 guni, ontok 29 Julai id Lolokiton Sepanggar kikotumbayaan montok padagangon doid pogun China.

Tumanud do winagat sisik bulukun dino nokomoi, ilo kikotumbayaan naanu mantad 16,000 tinan bulukun dino pogului ointutunan.

Minongomi tuwa pomusarahan wookon bogian kaaka do Malaysia silihon ‘transit’ kopogohimuwan’ barangan noduhan dilo, noboros di Subromaniam do toinsanan bogian mositi mongintong pinamahauan dilo.

Ka dau kinalantaian Malaysia minangantob poginaman kopogohimuwan dilo kirati bogian kikuasa Malaysia toririmo popogirotkuasa undangundang montok mongipop kaparagatan miagal dilo. -Bernama