70 tulun monokiala Pialaan Snuker Nalapan TKC 2017, 9-16 September

KOTA KINABALU: Kinampayatan pamain ngawi kikobulihan popotilombus do koubasanan Pialaan Snuker Nalapan The Kinabalu Club (TKC) 2017 Montok Ko-10 sabaagi pialaan tagayo id pogun diti.

Pialaan ih pohoroon id TKC hiti tumimpuun ontok 9-16 September dilo nampayat di 70 pamain kaamung ‘juara’ inlimo, Sheldon Senagang, 23.

Minomonsoi ih Sheldon do ponigowaan soira nokoimbulai sabaagi pamain poinmumulok minamalantoi ‘gelaran juara’ ontok toun 2010 ontok kiumur 16 toun om nogi minonobus au nasantaban ginawo miamapi nakamanang tampat koduo noopo ontok duo toun pogului dilo.

Sheldon pinopokito do kinalantayan dau dilo okon sabap ‘nasib’ soira pinopotimporon do ‘gelaran juara’ disio duo toun sumusuut dilo montok ‘gelaran juara hatrik’.

Rashid Mambalusan minonurat ngaran dau sabaagi ‘juara’ 2014 om Teo Kin Vui ontok 2014 katapi nahau kawagu di Sheldon ‘gelaran’ dilo duo toun misusuut ontok 2015 om 2016.

Sheldon poingkuro poh nga kotilombus doti kaanu ponokisaapan oporongod montok diti doulu noh mantad monokiala ngawi pogului diti kaamung noh ponokisaap dau id pinisaapan panantaban id toun nakatalib, Ibrahim Amir ih nogi nakamanang tingot gangsa Sukan Sea 2017.

Monokialit poimbida suai nopo nga ih Kong Sing Yew om Teo Kin Vui, bagas ‘juara’ 2008 om 2014.

“Haro ogumu poh kagu pamaain kikobulihan mamung do pialaan dilo kaampung mantad labus watas miagal Tawau, Sandakan, Kudat, Beaufort om Kota Belud.

Pialaan diti kapamatos do ponokialitan koponokisaap om kagayat kopio,” ka di ponorikohon TKC, John Philip Math id pitimbungakan abar id TKC di tadau Koonom.

Juara koponorimo wawa RM2,000, koduo RM1,200 om duo pamain ih naala id pitanga panantaban sompori-pori koponorimo RM500 om apat pamain ih naala id suku panantaban sompori-pori koponorimo RM250. Kamanang ngawi nogi koponorimo do trofi. Posodiaon nogi wawa RM500 montok ‘Highest Break’ (minima 70 mato) om RM800 montok ‘Highest Century Break’.

“Toinsanan wawa pinotoluod di ponorikohon panganjur, Francis Ng,” ka di John mikuo mangalap ngawi pamian snuker rumikot sumaasi do pialaan dilo.

Bagas ‘Juara’ inlimo, Sheldon. (gambar wanan, John ( (onom mantad gibang) songowian komiti TKC om panganjur minokigambar kaandaman kalapas pitimbungakan abar id TKC Kota Kinabalu di tadau Koonom nakatalib.