Soou ku nopo om otopot ko
do tuhun do oduung do okonko noopo ko doid Boos nga usin nogi om iho nodii do adadi di mai do toluo id ginavo songian do aantakan do miaga diho.Sabap pomogunan do baino ogumu di tuhun di ongopintal do mogium do usin doid lahan do momoduung om monipu dovokon. Nung ondomon kozo nga au nodaa kozo avasi nga kuozon tu kivaa di anangan do miaga diho tu asanang gia do kaanu do usin nga nung agakom nga sumuang ma doid tolungku.
Ingkaa nokozo oh navazaan di Lok di kiumul nogi do 11 toun sabap noduanan diho mohoing dau tondu sabab nodo siniou diho mohoing dau kusai ii Jee gisom di do au nakataan zi Vina om pogidu no zosido do minooi pogium do kalaja doid tampat pakalajaan di Tambahut dau di poinsikul po izioho. Nounsikou toomod iho Tambahut dau do nokoikot zi Vina do doiho om tulus do minuot iho tambahut dau do nokuo tu mooi pakalaja zosido.Om susuzai nodii dau onu ii naantakan om doiho nodii do nosianan kozo iho tambahut dau om uot nodii do,nombo nodii tanak nu oh? Sabap kitanak zi Vina miampai di Jee do songuhun kusai om okonko au daa dau oviton zi Lok nga au asaga zi Jee om noikot nodii oh tiad di Lok do ontok pamanau zi Vina.Ontok do minamanau zou om noompus ku oh lahan do miad nga kuozon tu iti no lahan ku do mimang do minsud di Jee.Koiho zou Liz kadi Vina do minoboos oluo kozo oh lahan do pinihi ku diti nga mimang do havanon ku iti tu nung mahik zou nopo vagu nga hobi dati pongigimang di Jee.Sundung potuu do miiiad zi Vina nga au no zosido mimang do gumuhi doid di Jee sabap kakaal po do ondom dau iho boos di Jee do popoimamang dau.Komozon dau zi Vina do mokiakan nopo aiso kalaja au apandai do mogium do usin okonko miaga do tondu suvai kadisido.
Nung simbaon nopo om doiho nodo katapap iho pahad dau doid voos di Vina om zi Lok no ii mooi haap di Mummy dau do miiiad nga au ii podulion di Jee iho do ingkaa,maan nopo dau kohizo zi Lok om doiho nodii vagu do mongimang di Vina.Au ii popoduli isido do miad iho sinavaan dau miaga ko aiso ii tonggou dau.Ababasan podii isido mongimang om mamanau nodii om doiho no vagu hobi kosusaan di Vina do songian do kapanau sabap au nodii zosido koodop do mandad vagu do kouhian di Jee do nung aino nopo do mooi tuka dau om tatapap no vagu ii otoimo di Vina.Ii nopo haid di poguhu ii boos di Jee kumaa di Vina noikot inomis,ohuud om au insan do humodong nga gisom podo nakanaik oh pangkat dau do osodu oh kinosimbano dau. Aiso nodii taanu di Vina do mimang,angatan do mooi sambayang nga au mugad,angatan do sumambayang doid daamin nga au nogi mimang atangkangau nopo do kalaja oh boos dau,sodop om tadau au di kotood doid daamin, kouhi om pitanga sodop somoonu nogi do osuaban.Songian nopo nodii do uoton do mantad nombo om doiho nodo tumimpuun do humodong nga iho nodii do koboos di zi Vina do izou nopo diti nga sinavaan nu bo Jee nokuo nodii tu au ko popoiho dogo, au zou daa mimang do kivaa kaantakan di au avasi doid piahatan dito. Onu di kopodulian nu dogo au kou toi ogonop do makan doiti id daamin,onu kivaa toi nokuang? Kadisido do muot di Vina nga iho no simba di Vina do,okonko ingkaa bo Jee,komozon ku nopo kohidasan nu bo ada kozo oindamaan do moginum om aahaman kozo sodop do muhi bo,iso po vagu koumohigan nu bo,koiho kono do timpu baino ogumu tuhun di alaat kangku daa bo.Au noingatan di Vina tikobut ii do hikud dau do nimaan tumbuko di Jee om ahaid zi Vina do au nokoboos miampai do nokodunsong do mootoo podii do minanaan do linuo.Aiso do nunu doid pomusaavan di Jee do onu ii nimaan dau au nogi nokotigog do nokokito di Vina. Ahaid podii om koboos nogi di zosido om doiho no iho tanak dau zi Lok do muguspugus dau.
Komomogot podii oh topiumanan dau om zi Jee nga nokougad nodii kalaja om suang nodii doid hinimput dau zi Vina do minomuput do kain ngaavi dau au nodii zosido kataan do ula do miaga diho.Songian nopo do nokopomumuput izioho di Lok om pamanau nodii izioho do mahik doid kampong da utu mohoing dau ngoduvo nga kakaal poo m ii ngaavi tobpinai dau tomoimo do sumokodung dosido.Id pomusaavan dau do poinsakai do teksi au nodii gumuhi doid di Jee onu ii maan dau nga do monongkiada tu au nodii miho do poguhion oh ginavo dau om nogi ii sinduo do nopiumanan dau do okon nopo ko id tinan dau nga id suang nogi do ginavo.Mimang zosido do monimpuun do koposizon dau do sosondii au nodii mimang do mogigizon miampai di Jee om zi Lok nga au nogi mimang do gumuhi di Daddy dau sabap do osianan di Mummy dau.
Koikot nopo izioho doid daamin di Ina dau om gapus nodii Ina dau miampai do minoboos do, Ina mokiampun zou diau sabap au zou nodii kaanu do mogigizon miampai di Jee, ogumu oh sinduo do tinan ku om hohobi po doid suang ginavo ku kadosido do miiiad om zi Lok nga miiiad nogi.
Gopuso no di Ina dau zi Vina om poboos nodo, Kivaa do undangundang do koontok di Jee dino Vina nga maan ku salasazo ii no ada kosusa om ada nogi koosizai tomoimo zikoi do miampai diau. Doungosodop nodii songian do nokouhi zi Jee mantad pakalajaan dau nokotigog isido do aino zi Vina om ii Lok doid daamin dau,miigizak do momohoou nga aiso do sumimba om suang no doid hinimput om kokito no dau iso suat do pointampak do mija om tulus do nukab dau ii suat om nokotigog isido do songian do naavi dau mambasa kulipisongo nodau iho suat om posuango nodau doid tuung do sizamut miampai noikot hinodong dau.Onu tondu do miaga diti kurang ajar daapo diau ajaron ku iziau kadisido do moos-boos.
Sakazai nodau iho kulita dau om pougadai nodau doid daamin diho tivanon dau do mooi pagangat di Vina do muhi nga ontok diho pinatatap di Vina oh ginavo dau do au nodii muhi.
Saakoi no isido do molok-lolok ii om poboos nodo kumaa diho tivanon dau do, nomboo no ii tanak nu kurang ajar di oi minan,maan kupo ajaro ii.Noikot nodo nakahasu oh ginavo di-Ina di Vina do ingkaa iho boos di Jee om habus no zosido om poboos no do,Jee au ko ii taagal do mangajal diho sinavaan nu naajal kuno haid iho mantad podii onini po nga ingkuo ko iziau ada nodi ikot doiti, au nodii zi Vina miampai di Lok nuhi id daamin nu.
Uhi no ada ongoi pangasou doiti daamin ku mijumpa tokou doiho id kuut do toduuk tadau.Pouhiai nodii di Jee miampai do momuondom do onu ii binoos di minan dau om guhi no vagu isido do mooi pokiampun di Vina om nogi ii minan dau.Koikot nopo nodii isido doiho daamin di minan dau om tulus do minooi singkotud id dumbangan di Vina do mokiampun kozo om mangakun do kinahasaan ngaavi di nimaan dau nga aiso nodii mokinongou do boos disido onu ii nimaan diho ngoduvo mohoing di Vina nga do pinopouhi di Jee. Pouhiaai nodii di Jee miampai do noponu oh ponononso om katangaban do suang ginavo om au di koiho do onu ii maan dau. Miad nga aiso guno sabap saviavi diho nimaan dau nga tuminimpuun ngaavi mantad dau sondii.Iho no suat di Vina do kuminaa dau do NOSOOU KU OM OTOPOT KO om iho nodii do nosoou ngaavi dau ii dandi dau di poguhu ii do nokopisasavo izioho. Songian nopo nodii nokoikot doid kuut om au nodii kozo zi Vina mimang do gumuhi di Jee nga sasabap nodo nonuan do kosivatan do insan po om miniguhi di vagu izioho om tuminimpuun di vagu do papapanau do koposizon di nazadaan haid dioho di poguhu.
Sundung potuu do nakakalaja nodii zi Vina tuminood di zosido do monuhuk di boos di Jee om dandi dau om ahansan di zi Vina do kosimban zi Jee om zi lok nga kosimban nogi daa maza do piguhian dioho. -Pomohiis noopo do ginavo.-