Tolu momuruan miruba
# Montok mogiboboros montok mongorulan tinimungan taraat Palantikan Mohamad Fuzi Harun sabaagi KPN kapatantuan porinta maya SPP
DAVAO CITY: Sumolot ih Porosiden Filipina Rodrigo Duterte miampai momuruan Malaysia om Indonesia montok mogiboboros mongorulan pakatan ‘anti’ kangaraaton, ka do Agensi Abar Filipina (PNA).
Id pinirubaan monongkiboros miampai media tanga sodop tadau Minggu, Duterte minoboros isio do Porosiden Indonesia Joko Widodo om Luguan Montiri Malaysia Datuk Seri Najib Tun Razak nakaakun noh montok miruba id bogian poingoros Filipina miagal Sabah om Jakarta.
“Kaakun yahai montok mogiboboros, kotolu-tolu dagai. ‘So naghintay lang kami ng timing’ (Kami cuma menunggu masa yang sesuai),” ka dau id pinirumaan miampai monunurat abar id labus pangaramitan tadau kinosusuon Puru Lalansanon Davao City, Karlo Nograles.
Minoboros ih Duterte do pakatan dilo kopoompit doti do ponuridongan tinimungan pakaraja poimbida songowian montok mongilo puru ISIS.
“Ukabon ku doti o piwolitan pogun ku kumaa bogian monguasa Malaysia om Indonesia..., om papanaon ku...om posuangon iyolo,” ka dau naanu minoboros mantad PNA.
Tumanud Porosiden dilo nokoburu noh pitimbungakan om minog do mogiboboros noopo.
“Minog kopio miruba tokou miampai mitoguang om asaga miampai ahal pogibabarasan dilo,” ka dau.
“Obuli oku kiharo hilo montok sangadau duo noopo. Montok timpu baino diti au obuli, aiso timpu ku baino sabap mositi rulanon ku kobolingkangan di totootopot hiti,” ka dau.
Minoboros ih Duterte do mositi nogi asasaru isio kumakap Marawi gisom opupusan kobolingkangan dilo.
Idsuang ahal dilo ka dau isio mositi mongintong nogi koyuon id bogian ngawi suai id Mindanao miagal Buldon om Maguindanao ih mitoguang pisangadan tikid tadau.
“Au oku koilo poingkuro ahal diti nantakan nga muhang oku mangantob toinsanan diti gisom koimpupuson toun,” ka dau.
Ontok kinouliton toun ko-11 Eastern Mindanao Command id Davao City di tadau Kolimo, noboros di Duterte do timbangon disio montok mamagayat kawagu undangundang susumangod.
“Intongan poh laid. Nung ilo wonsoyon montok kopontingan pogun gayaton ku kawagu. Nga nung au, potilombuson tokou miampai pomorintaan susumangod,” ka dau.
Duterte poingkuro poh nga manahak jominan do minggisom doti isio popoindalan do kotoonongan miampai Nuludan Kopongiduan Kabansaan Moro.
“Nung au tokou kaanu mongulud kawagu tinan pulitik ih kopomogonop kogunoon toinsanan tulun om popoturuk do kopokionuon diolo sabap ilo kopokionuon totopot, misangod doti Mindanao poompus timpu,” ka dau. -Bernama KUALA LUMPUR: palantikan Boyoon Pulis Pogun ih wagu Datuk Seri Mohamad Fuzi Harun, 58, nopo nga kapatantuan porinta ih winonsoi maya do Suruhanjaya Tinimungan Pulis.
Kumoduo Luguan Montiri Datuk Seri Dr Ahmad Zahid Hamidi minoboros do ‘suruhanjaya’ dilo nogi kaakun popotimporon di Tan Sri Noor Rashid Ibrahim sabaagi Kumoduo Boyoon Pulis Pogun.
“Karaja (Noor Rashid) poingkuro poh nga poinsawaton doid Turus III om Suruhanjaya nogi pinapatantu do Datuk Seri Mohd Mokhtar Mohd Shariff lontikon sabaagi Potunud Raan Poimbida Bukit Aman ih wagu,” kadau kumaa monunurat abar kalaaps abaabayan kapanahakan rumamit karaja Boyoon Pulis Pogun id Longkod Pingludaan Pulis (Pulapol) hiti koniab.
Mohamad Fuzi minongolon di Tan Sri Khalid Abu Bakar ih nokopinsin koniab.
Namot dilo Ahmad Zahid ih nogi Montiri Suang Pogun, minoboros do Khalid nopo nga songulun ih ‘luar biasa’ sabap koulalahon koupusan dau di au insan natalup sundung pia nunu noopo koyuon.
Minoboros Ahmad Zahid do bagas Boyoon Pulis Pogun dilo nogi nakaanu minanalasai do nunu noopo kobolingkangan miampai koubasanan ‘profesionalisme’ poompus pinapanau do tonggungan dau.
“Soira monuhu oku ‘Ops Cantas Khas’ winonsoi ontok timpuuni ku nonuan tonggungan sabaagi Montiri suang Pogun, ilo pinalantoi miampai aiso ponguhatan mantad disio (Khalid) sondiri.
“Nosuhu oku noh tolu tinimungan ‘elit’ tinuridong, ilo nopo nga Tinimungan Maganu Laang Poimbida Koimaan Taraat Napalan (STAFOC), Tinimungan Maganu Laang Poimbida Judi, Maksiat om Gangsterisme (STAGG) om Tinimungan Maganu Laang Poimbida Poingkuro Ralan Ponoriukan Narkotik (STING) hinonggo ponuhuan korikot mantad dogo kumaa di Tan Sri Khalid om ilo papanaon montok manalasai do kobolingkangan misusuai kotilombus doid pokimamaan om au maya do ‘hierarki’,” ka dau.
Minoboros Ahmad Zahid do pinonuridongan kotolutolu tinimungan ‘elit’ dilo nokopoinsuriba ‘indeks’ rontob koimaan taraat kumaa 47 paratus miampai ‘metodologi konvensional’ toiko 100 paratus nung momoguno do kooturan sompomogunan tumanud do potitikid 100,000 mogigion.
“Maganu oku laang miampai ‘profesional’ ilo nopo nga ahal ralan tonudon potontuon ku nga ahal ‘operasi’ au oku lumongot om yoho manahak kuasa poimponu kumaa Boyoon Pulis om Kumoduo Boyoon Pulis sabap ilo osiliu koubasanan montok dogo,” ka dau.
Pinoboros nogi di Kumoduo Luguan Montiri o kalansanan kopomuruanan wagu ih di nigitan Mohamad Fuzi kaanu popoingkawas do kangai-anagaian om kangaian tosonong Pulis Diraja Malaysia (PDRM) doid rontob lobi akawas.
Pogului, Ahmad Zaih suminaasi do abaabayan minisian surat om kapanahakan karaja numbur iso idsuang PDRM dilo pialatan Mohamad Fuzi om Khalid ih kumaraja sabaagi Boyoon Pulis Pogun solinaid apat toun mantad podi toun 2013.
Nokotindapou nogi ih Kumoduo Montiri Suang Pogun Datuk Nur Jazlan Mohamed om Datuk Masir Kujat.
Mohamad Fuzi uminampai tinimungan kiuniform dilo ontok 8 Jan 1984 sabaagi Kadet ASP id Pulapol.
Pialatan karaja tagayo ih numbalan nigitan disio nga Ponulung Potunud Inteligen Politik E4 Raan Poimbida Bukit Aman, Ponulung Potunud Raan Poimbida (Bogian Politik om Ponoriukan) ih monowoli naamot pangkat SAC I ontok 2006 om Potunud Raan Poimbida ontok Julai 2015. Nokoumbal nogi isio minongigit naamot karaja Kumoduo Boyoon Pulis Pogun solinaid duo wulan ontok 2014. Bernama