Kusai nokito nohonod poindoos Jeti SMK Pulau Gaya
KOTA KINABALU: Songuhun kusai di au po noihaan kointutunan disido nokito nohonod poindoos Jeti Sikul Pintangaan Kabansaan
(SMK) Pulau Gaya doiti di tadau Koiso.
Huguan Pulis Uvang
Kota Kinabalu Asisten Komisioner M Chandra minoboos do munggui nokito di tuhun ginumuan id jam 6.45 kosuvabon.
“Munggui nokito poingabu minamakai gaung kivotik aagang otomou om aiso nunuunu suat kointutunan tinan.
“Pinonoizukan potihombus kumaa tinan munggui kivaa tatu id boogizan tinan munggui om palampung ih kivaa poindoos munggui nogi aiso nunuunu ‘label’ toi ‘huruf’ om gontob,” ka disido.
Minoboos Chandra do tinan munggui kahapas dino pinaatod doid Hospital Queen Elizabeth (HQE) montok pokizazakan monoizuk om kes soizukon tumanud kes noduso monigovo (SDR).
“Tuhun togumu ih kivaa kopoihaan kokomoi munggui pokionuon humikot doid Balai Polis songindoos montok monuhung ponoizukan toi tumuubung upisol monoizuk Asisten Superintendan Zulfikar Abdul Salam id numbul 0198009455,” katanya.