MINSINGILO BOROS KADAZANDUSUN APASI BOROS, APASI TINARU
Kadazandusun (BKD) milo opunso nung au boroson do tinaru sondiri. Boros apasi nung boroson do sanganu. Boros di au boroson opunso mantad soribau tana.
Sumusuhut diti nopo nga pinibarasan di Marisa di Jison di wawaagu id boros KD miampai nonuan do dalin rati id boros English.
Paantakan do papaharo pibarasan miagal diti nopo nga mooi do otunudan o ralan do kapamarasan do boros KD id pibarasan i topoton o paantakan nga okon ko ruhangan do boros tulun mantad pogun Malaya. Kopisanangan do mambasa.
Nulud di Tatak Barambang
Jison: Boros ka do tambalut ku, monupu nopo sinding KD, kada ruhangai boros tulun mantad pogun Malaya (BM), kadsio.
My friend said to me, when composing a KD song, never adulterate its lyrics with the BM language.
Marisa: Okon ko roiton noopo au ruhangan loyuk nogi nga au daa pousuyon loyuk tinaru suai.
Not only the lyrics that should not be changed but the melody also must not imitate others.
Jison: Apatut kito o momogulu monupu sinding i kosudong dilo roiton om loyuk miagal dino pokimamaan nu.
We should be the ones who compose first those songs that use the right lyrics and melodies that you want it to be.
Marisa: Iri no kangku dika, koilo ko monoromo wokon nga ika sondiri nga au kopudali monupu sinding miagal dilo kouhangan nu.
That is why I told you. You know to judge others but yourself cannot compose such songs that you like.
Jison: Marissa, nokuro tu moboros ko doho do miagal dino?
Marisa, why do say like that to me?
Marisa: Araat tinipi ku di kosodop.
I have a bad dream last night.
Jason: Nunu noipi nu poboroso dogo, koilo oku monunud do tinipi?
What did you dream tell me, I know how to interpret dream?
Marisa: Nokito ku ika maganangkus om mogkogusa duku
I saw you running and chasing after a puppy
Jison: Ah, au araat ino tinipi nu.
Ah, your dream is not bad.
Marisa: Asaru moti monopot o tinipi ku.
My dreams always come true.
Jison: Sumambayang oku id Kinorohingan Gampamasi ku moi do au monguro-kuro ino tinipi nu kumaa dika toi ko kumaa doho.
Jison: Amin
ID suriba diti opod pongudiyaan i nonuan apat sisimbar nga iso no sisimbar pointopot kopio. Ihumo sisimbar pointopot dino om mooi osuhutan toinsanan sisimbar, intangan no ilo sisimbar pinataak id kolimpupuson. Kopisanangan do mambasa.
1 Ralan mongisus popogirot do sikurup (screw/nut) nopo nga ? A Pogibangon
B Posotolon
C pawananon
D popiundul-undulon
2 Songkoimangan do gurangot timpu otogod roitan do ? A gayoraraat B mulau-ulau. C bayaton D moginasab.
3 Honggo id suriba diti ii au katampasi boros tinaru Kadazandusun?
A Moboros boros Malaya pirotion boros Singkung kumaa tanak id walai
B Manaak boboroson id boros tinaru maso kapangarayahan Tadau Kaamatan. C Paharo pisintoguan modsinding sinding id boros tinaru om onuan wawa ii bontugan.
D Misusundait id pitatabangan om id radio.
4 Tulun apatut no kopio do osianan kumaa oiyo koo tulun mantad no do ? A mokimamaa osomulian di tulun do somonu
B Minamangun o gulu nosianan do tulun
C haro tulun ii au asaga manansawo
D manu o kusai do kapanansawo induo
5 Kouni i sompoton do uniyon mantad no do haro o ? A korobu
B sodi
C bingkorot di sumbiling
D mongingiyon di sumbiling
6 Nunu ma kominagan tagayo (big need) do apatut daa do onuan do RTM do koposolimbaan o boros Kadazandusun id radio id pototongkop Malaysia timpu baino?
A Ogumu tulun Kadazandusun napanansawo tulun do Malaya
B Tulun Malaya apatut mokinongou sinding do Kadazandusun
C Moi do koinsanai tulun Kadazandusun monokodung do parti pulitik Malaya D Ogumu nodi tulun Kadazandusun mamasok (mogiigiyon) id pototongkop pogun Malaysia timpu baino.
7. Haro songulun Kadazandusun minanampasi iso tombolog tiung id walai dau. Tombolog dino koilo sumusugut do nunu nopo boros tulun ii orongou dau. Sundung po do Kadazandusun ii sanganu, boros BM no toilaan di tombolog monusugut. Nokuro ma tu miagal di ii tombolog dino?
A Okodou dila dau sumusugut boros di tulun minanampasi dau. B Boros BM kasari o boroson di tulun minanampasi dau id walai. C Tombolog mantad Malaya doti o molohing di tombolog. D Tulun no do basug o wongoon sumimbar diti pongudiyaan.
8 Papaharo ko do sodop kapanaandakan nu do “Tadau Kinosusuon” nu (your birthday) mooi do ?
A kaapon ko do wawa togumu mantad tambalut nu ii nalap nu tumindapou. B koinnaru umur nu poimpasi id pomogunan.
C kosiwat ko monugat do nolos (debt) do songulun tambalut nu ii nalap nu rumikot. D onuan nu daa do kopomusaan, kaampayatan om kolihisan ginawo sontob tambalut nu i tuminindapou.
9. Boros kotunudan lampung trapik id kotunudan papanau korita: HIBOK: INTONG: KADADA (GO: LOOK: STOP) ka. Nga laang dilo au noulud. Laang dino mositi do oulud moi do au o popoibok kurita karaag do kooturan talun-alun. Kouludon pointunud dilo laang nopo nga ?
A HIBOK: INTONG: KADADA(GO: LOOK: STOP) B KADADA: HIBOK: INTONG (STOP: GO: LOOK) C KADADA: INTONG:HIBOK (STOP: LOOK: GO) D INTONG: HIBOK: KADADA (LOOK: GO: STOP)
10 Koinsanai kusai do ? A kisawo
B kibabag
C kibotilom
D kingaran
Sisimbar: 1.C, 2.D, 3.A, 4.B, 5.B, 6.D, 7.B, 8.D, 9.C, 10.D