Kapamansaian sunsuyon Bawang DamitKakadaian Tuaran timpuunan kowion toun

TUARAN: Potimpunon do porinta o projik kapamansaian sunsuyon watu kininaru 104 meter duamit Bawang Damit, hiti, ih popiromut do kakadaian Tuaran miampai kiikira 11 tinan kampung songingoros om watas tokoodo Tamparuli, ontok kowion toun diti.

Montiri id Koupisan Luguan Montiri, Datuk Seri Abdul Rahman Dahlan minoboros do kapamansaian sunsuyon watu kigatang RM18 riong, ih poobion do koporintaan Pisompuruan maya Unit Mamalan Ekonomi (EPU) dilo, opongo doti id suang timpu 18 wulan.

Montok timpu diti, mogigion id posorili Bawang Damit momoguno do ‘jambatan gantung’ ih posodia haro noopo montok sumoborong bawang pakaayan id kakadaian Tuaran ih poinsumpak kiikira duo kilometer noh om sokiro ko momoguno do padsakaian, mogigion minog maya Tamparuli ih maganu timpu kiikira sojam montok korikot id kakadaian Tuaran.

“Sunsuyon diti kapanahak ogumu asil kumaa moggigion posorili kaamung papasanang do piromutan om pindalanan mogigion id bogian soborong montok rumikot id kakadaian Tuaran suai ko mamalan kotundaan ‘sosioekonomi’ diolo om popoingkawas kagu gatang tana id bogian posorili (Bawang Damit).

“Nung solinaid diti mogigion maganu timpu kiikira sojam, nga, soira opongo sunsuyon diti, timpu pindalanan kaanu mongingkudi om mogigion bulun noh maganu timpu duo minit montok korikot id kakadaian Tuaran,” ka disio kumaa monunurat abar kalapas pinotimpuun do Abaabayan Mamabak Tana Projik Pamansaian Sunsuyon Bawang DamitKakadaian Tuaran, hiti koniab.

Nokotindapou nogi ih Montiri Sains, Teknologi om Inovasi Datuk Wilfred Madius Tangau ih nogi Puru Parlimen Tuaran, Boyoon Potunud EPU, Datuk Nik Azman Nik Abdul Majid om Potunud Koupisan Talun Alun (JKR) Sabah Datuk Ir. Amrullah Kamal.