Sabah, Sarawak momoguno 25 paratus mantad kagarasan poimponu SKR1M
KOTA KINABALU: Kiginumu 25 paratus mantad kagarasan toiko katabaian Sistem Kabel Rakyat 1Malaysia (SKR1M) notimpuunan noh ginuno di momomoguno garis alaab (jalur lebar) id Sabah om Sarawak mantad podi Jun nakatalib.
Ponorikohon Tinan Monorina Komunikasi om Multimedia Malaysia (MCMC) Tan Sri Dr Halim Shafie minoboros do kabel siriba daat kininaru 3,800 kilometer dilo haro kagarasan gisom apat ‘terabait’ (TB) sosikin, nga pomogunaan id duo pogun dilo momoguno iso TB sosikin noopo.
“Poingkuro poh nga, soira lobi ogumu rayat koilo asil kopomogunaan Internet, pomogunaan kagarasan SKR1M diti maan gunoo poimponu.
“Montok kopoilaan nogi, kagarasan 4 TM diti obuli poinggoyoon kagu gisom 12 TB ih papanaon doti id suang tolu gisom limo toum timpu rumikot,” ka disio kumaa monunurat abar kalapas abaabayan pinonimpuunan sistom kabel dilo, hiti koniab.
Pinonimpuunan dilo pinotimpuun di Montiri Kotundaan Kotos Tulun om Teknologi Kopoilaan Sabah Datuk Siringan Gubat ih luminansa di Montiri Komunikasi om Multimedia Datuk Seri Dr Salleh Said Keruak.
Tumanud Halim sistom ih pinotunda do MCMC
Mantad gibang; Halim, Sulaiman, Siringan, Mohid om Monunurat Atatap Koporintaan Kinoiyonon om Pomulaminan Datuk Ginun Yangus minokigambar kaandaman kalapas abaabayan pinonimpuunan dilo.
songowian Telekom Malaysia Bhd mantad podi 2014 dilo nokoponolon balanja RM619 riong.
Namot dilo, Monunurat Atatap Komontirian Kotundaan Kotos Tulun om Teknologi Kopoilaan Sabah Datuk Bruno Vun minoboros do mamagatang do pongintongan koporintaan longkod kokomoi do kopongimbarasan rayat id pogun dilo ih alansan kopio do kounalan kosia’on Internet lobi osiau.
“Rayat id Sabah nokotimpuun noh minomoguno do kosia’on Internet lobi akawas om ningkokoton diti kopomogonop do kopokionuon rayat id pogun diti ih au muhang oiduanan idsuang koburuon teknologi,” ka disio.
Ponorikohon Telekom Malaysia Tan Sri Dr Sulaiman Mahbob minoboros do sokodung rayat id Sabah om Sarawak pialatan ahal kumaa kinalantaian kotundaan SKR1M dilo.
“SKR1M diti tantu noh do kaanu mongunsub do kopomogunaan ‘ekonomi digital’ id pogun diti om popoinggumu kagu kotundaan ekonomi id pogun diti ih popomilo do kotorinaan garis alaab haro kosia’on takawas kaanu momoguno.
Tumanud dau laang dilo maan potilombuso kagu gisom 2019 miampai ruhangan kiginumu 38,333 premis kagu.
Suai mantad dilo, noboros di Salleh do nokopomonsoi noh MCMC do 338 linominon takawas ‘telekomunikasi’ ih kawawagu om pinopoinggayo rontob 880 stesen posodia haro doid kotorinaan 3G gisom Jun nakatalib.
“Asil laang tosonong diti, kopoompitan 3G id bogian haro momogion montok Sabah nakalaab noh kumaa 75 paratus piagalon 64 paratus ontok 2011.
“Suai mantad dilo, kopoomungan kotorinaan LTE (kounalan asanang popoundaliu 4G) nogi nokosigampot 48 paratus id bogian haro mogigion om tumilombus palaabon mantad timpu doid iso timpu,” ka disio.
Noboros nogi Salleh do kiginumu 103 Longkod Internet 1Malaysia nopongo noh id Sabah kaanu nogi asil mantad SKR1M, om kaanu nogi manahak kounalan rayat kinoiyonon montok kopomoguno do agenda kotundaan di napalan noh mantad porinta. -Bernama