Parti gugumaga au kaanu dumadi mongumohig montok layat - Salleh
KUALA LUMPUR: Haang piipio momuu’an gugumaga humabus parti ponokotanda do parti dino miaga ko laan ih noobuk om au kamampu dumadi mongumohig kumaa layat, ka di Montili Komunikasi om Multimedia Datuk Seri Dr Salleh Said Keruak.
Sumuku ningkokoton insan timpu, minoboos isido do parti gugumaga au kaanu popisompuu do puu dosido montok tumihombus songovian parti.
Ka disido duvo tadau nakatahib bagas Montili Tagazo Selangor Tan Sri Muhammad Muhamad Taib ih poguhui diti songovian PKR nokoguhi no doid parti Umno.
Poguhui diti, bagas Mananakadai Monunuat Srikandi Parti Pribumi Bersatu Malaysia (PPBM) Hasnita Hishamudin, bagas Monunuat PPBM Kamarul Azman Habibur Rahman, Timbang Polosiden dau Datuk Hamidah Osman om Huguan Srikandi ih nogi piahatan minonimpuun PPBM, Ainina Saidin minaganu nogi haang huminabus parti.
“Alasan dosido huminabus parti sabap kopiuman do padamaan gugumaga nopo nga momiubat noopo, tumongob mongintong pibabakan tuhun Malazu, parti dino au insan mindaama montok kopontingan puu om layat sabap hobi mokimaamama do kopontingan tinan sondii om ‘kroni’, om parti dino nadadi no kakamot DAP.
“Pogudizaan disido, obuli naku otumbazaan tokou kumaa parti miaga diti montok momolinta pogun tokou?,” tuudizo disido idsuang pinonuatan kavavagu id blog sskeruak.blogspot.com, koniab.
Minongomi pinonuatan disido ih kituhu “Kiguno kozo momihi parti ih ogiot”, naanu ih Salleh o tuva pomusaavan tabaa dagang pulitik mantad New Zealand, Lees-Marshment idsuang buuk disido ‘The Political Marketing Game (2011)’’ ih minoboos do montok kamanang id pomihian tagazo, toiso-iso parti mositi kivaa ‘strategi’ dagang pulitik ih tavasi.
Tumanud minonuat dino, iso mantad ‘strategi’ dino nga kopoompit doid dagang iho nopo nga parti mositi do kivaa iso asil kakamot kapahabusan tagazo ih obuli dagangon kumaa layat.
“Nung idsuang konteks Malaysia, onu ma ‘produk’ dino” Tantu do asil kakamot kapahabusan (produk) dino nga ‘imej’ parti, tohuod parti om pisaan parti.
“Idsuang ahal diti, UMNO no om BN (Barisan Nasional) kivaa likud diti,” ka disido.
Naanu nogi di Salleh pinonuatan bagas Polosiden Amerika Syarikat Bill Clinton idsuang buuk dau Back to Work : Why We Need Smart Government for a Strong Economy (2011) ih minoboos do layat momoguno do polinta opintal montok ekonomi ih okuat, suai ko polinta ih opintal nopo nga polinta ih ogiot, miiso, mintamong kotundunan layat om au mogibaababak.Bernama