LKIM tumihombus manakadai monginsada
PUTATAN: Tinan Kobuu’on Sada Malaysia (LKIM) tumihombus papanau tonggungan montok monuhung monginsada id pogun diti.
Puu Tinan Potunud LKIM Datuk Haji Razak Tun Sakaran minoboos do pomounan ponginsadaan id pogun diti mimang do kivaa kobulihan id nombo boogizan ponginsadaan nopo nga ponohuod tagazo doid kopoingkavasan gontob ‘sosio ekonomi’ layat hoohobi id boogizan habus kakadazan.
“Tumanud do kobulihan asil daat ih mogikaakavo om obuli pointangaon, tumihombus o LKIM papanau tonggungan mozo haang manakadai monginsada miampai kotihombus montok popoingkavas asil daat id pogun diti ih ih mimang do kivaa kobulihan takavas,” ka disido ontok kosoomo kahapas abaabazan Kapanaakan Elaun Koposizon Monginsada boogizan Parlimen Putatan id Dewan Serbaguna Pasir Putih Putatan di kavavagu.
Nokotindapou nogi ih Kumoduvo Huguan Umno boogizan Putatan Datuk Haji Arsit Sedi.
Idsuang ahal dino, Razak ih nogi Bendahari Umno boogizan Semporna minoboos do tomoimo LKIM maganu haang poinvavasi om kikosianan miampai manaak do sakadai om ‘susidi’ montok pop o inggu mu o m popoingkavas do kapahabusan asil daat nokomoi monginsada id Sabah, kamaung no kapanaakan Elaun Poimpasi Monginsada.
“Koiho o polinta om kikosianan miampai nasib tinau monginsada hoohobi kozo monginsada poingompus tisan daat id nombo asil kinagakaman dosido humansan kozo doid koozuvon, songian timpu humasam toi daat kihakun koonuonuan dosido koingkudi, mantad dino sakadai diti okuudi ogumu nga kaanu papagaan kavagatan dosido,” ka di Razak.
Kavagu Razak, kivaa nogi kosusaan montok tinimungan monginsada hoohobi id boogizan Papak Kohisa’on miampai kapaagatan tuhun talaat (lanun), ponugkuan tuhun talaat kisindata miaga ih nantakan pinonugkuan di poguhui diti.
“Ingkuo po nga kinoikotan puu koumohigan Boogizan Koumohigan Poimbida Papak Kohisaon Sabah (Esscom) okuudi ogumu koposogit do katangaban monginsada id boogizan diti.
“Kikahansan zou doid monginsada ngavi hoohobi id boogizan Papak Kohisaon tomoimo miingat-ingat om tumanud do ponuu’an om kootulan di nakatantu no di Esscom montok koumohigan dioho,” ka disido.