‘Kada pomili karaja’

# Kosiwatan karaja okon montok kaganaan di korohian noopo, ka Musa

SANDAKAN: ‘Senario’ insan timpu montok mogigium karaja nopo nga iyolo au mositi do kapaganu pakarajaan id suang kaganaan di korohian, ka di Boyoon Montiri Sabah Tan Sri Musa Aman.

Mantad dilo, minoboros isio do koyuon diti momoguno do mogigium karaja au momili pakarajaan di apalaion ih kiguno muhang iyolo kumaraja om kapaganu pakarajaan ih kapanahak jominan timpu tabantalan.

“Mimang okon asanang kapaganu pakarajaan id suang kaganaan di korohian om iti momoguno do sosongulun mogigium karaja mamagahau kosiwatan pakarajaan ih haro,” ka disio ontok pinotimpuun do ‘Karnival Kerjaya Suruhanjaya Perkhidmatan Awam Sabah’ hiti, koniab.

Opod om limo komponi poriwit mogisusuai pomorunan uminampau do karnival dilo miampai pinoposodia do 800 kosiwatan pakarajaan.

Minoboros ih Musa do toririmo koporintaan pogun minggisom poposodia do kosiwatan pakarajaan miampai pinapaharo do mogisusuai pomorunan pialatan dilo id bogian pomutanaman, pamansaian, ponombuluian om tumau om gas.

Ka disio bogian dilo momoguno do pakaraja tabaal ih tantu noh do kopongukab kosiwatan kumaa susumikul ih nakaawi ponginabasan id institusi tulun ginumuan om poriwit doulu noh id Sabah.

Id timpu iso’i, minoboros isio do suai mantad kaanu papaharo do lobi ogumu kosiwatan pakarajaan, bogian dilo nogi nga ponoluod tagayo kumaa ekonomi pogun diti. -Bernama

MUSA songowian tombului tapantang om minampayat ngawi ‘karnival’ dilo.

MUSA (duo gibang) monuntung tagung sabaagi tanda pinotimpuun do Karnival Kerjaya 2017 id DFewan Masyarakat Sandakan.