UMNO, BN parti montok toinsanan tinaru: Salleh

KOTA BELUD: UMNO om Barisan Nasional (BN) okon parti montok iso tinaru noopo katapi montok toinsanan tinaru id pogun diti, ka di Bendahari UMNO Datuk Seri Dr Salleh Said Keruak.

Mioboros isio do asasaru ih Luguan Montiri Datuk Seri Najib Tun Razak poposotol do UMNO om BN nopo nga isoiso parti ih kitanda kopio kaanu manamong kotundunan om popolumaag do rayat.

“Mantad sabap dilo noh, mantad gulu poh, UMNO om BN turus sokodungon rayt. (Om) poingkuro poh nga obuli monondos UMNO parti ‘rasis’ nga otopot nopo UMNO, mantad nakalantoi poh, mikunsi kuasa miampai tinaru suai id suang BN?

“Nung nokosodia noh mikunsi kuasa om nakaanu mionupu kaandangan pulitik om kotoonongan ekonomi pogun, hinonggo ‘rasis’ dilo? Iti noh ih au oku karati miampai panandasan gugumaga,” ka disio kuminaa Bernama hiti koniab.

Pogului Salleh ih nogi Montiri Komunikasi om Multimedia pinapaharo do pinirubaan miruoh miampai momoguno ‘media sosial’ ih minomoguno do aplikasi WhatsApp id Restoran R and R hiti.

Noboros di Salleh ahal dilo montok minongomi bogian pointantu ih monondos do UMNO iso parti okitonan pitinaruan ih kaaka do mongolim do ‘hak’ tinaru India om ‘hak’ tinaru ngawi suai.

Manasal nogi isio miampai tinan pointantu kamaung noh gugumaga ih kasala pinapatarang kopilaan di Najib ilo nopo nga “walaupun bapa dan datuk saya bukan dari Kerala, saya digelar Bapa Pembangunan Kaum India” ontok minanahak boboroson pinotimpuun do Miting Tagayo MIC ko71 ontok 24 September nakatalib, gisom monondos kopoilaan Luguan Montiri Luguan Montiri dilo ‘gimik politik’ noopo. “Nung PM najib pinungaranan sabaagi ‘Tapa Kotundaan Tinaru India, monuridong o porinta do komiti kabinet kokomoi ahal tulun India.

“Pinapaharo nogi porinta do ‘sekretariat khas’ montok paapwakas do mongingindapu ngawi India, manalasai do kobolingkangan rayat India kikoompitan karayatanpogun om nogi manamong kogunoon sikul koluyungan Tamin,” ka dau. -Bernama